Контакт

Европа

Австриските власти, конечно, ја уриваат родната куќа на Адолф Хитлер

Објавено пред

Родната куќа на нацистичкиот водач од Втората светска војна, Адолф Хитлер, ќе биде урната, а на нејзино место ќе биде подигната нова зграда, објави во понеделникот австрискиот министер за внатрешни работи Волфганг Соботка.

dobivaj vesti na viber

Семејството на Хитлер во времето на неговото раѓање на 20 април 1889 година во куќата во Браунау на реката Ин живеела само три години. Покрај тоа, таа жолта трикатница низа години предизвикува контроверзи.

За весникот Die Presse, австрискиот министер за внатрешни работи Волфганг Соботка, изјави дека ја послушал препораката на советот експерти во кои е вклучена и еврејската заедница од Виена, како и водечките австриски историчари. Комисија беше составена од 12 членови од сферата на политиката, управата, академијата и цивилното општество.

Австриската влада со години разгледуваше кое е најдоброто решение за празната куќа во местото Браунау, за да спречи оваа зграда во која е роден Адолф Хилтер да стане собиралиште на неонацистите и култно место каде што екстремистите би можеле да му оддаваат почест на нацистичкиот водач, иако самиот фирер немал особен однос кој ова место и самата куќа во којашто е роден.

Министерството за внатрешни работи ја изнајмува таа куќа од 1972 година, плаќајќи месечна кирија од 4.800 евра на сопственичката. Во куќата се одржуваа работилници за инвалиди, но од 2011 година е празна затоа што сопственичката ги одбива идеите за иднината на куќата, како и државните понуди за купување. Во 2014 година владата предложи во куќата да се смести центарот за обуки на возрасни лица и имигранти или локалната социјална служба, а дало понуда и да ја откупи. Сопственичката, меѓутоа, досега не одговорила.

Сопственичката на куќата во ноември 2009 година ја изложи на продажба со цена од 2,2 милиони евра. Герлинда Помер тогаш изјави дека сака да ја продаде куќата која во времето кога се родил фашистичкиот водач ја поседувала нејзината фамилија. Таа својата одлука за продажба ја објасни како товар на минатото.

Австралиската влада првиот чекор го презема во јули годинава, кога одлучи да ја заплени куќата од приватната сопственичка, локална пензионерка, која одбиваше да ѝ ја продаде куќата на владата и да соработува во нејзината пренамена за јавна употреба. Темелите на куќата ќе останат негибнати, а новата градба ќе ја користат хуманитарните организации или јавниот сектор, рече Соботка.

На ваквата одлука на владата се противат некои здруженија, како невладиниот Меѓународен совет за споменици и историски места кој смета дека куќата треба да биде оставена како автентично меморијално место коешто ќе помага во демистификацијата на националистичката идеологија. Досегашните идеи куќата да биде претворена во меморијален центар „Куќа на одговорноста“ пропаднаа. Пред куќата е поставен камен со неутрално предупредување на милионите жртви во Втората светска војна, но со ништо не се укажува дека во неа е роден еден од најголеми злосторници во историјата.

Австрискиот државен авторите за споменици изрази незадоволство поради уништувањето на зградата којашто е дел од заштитениот историски центар на Браунау.

Прашањето на оваа куќа предизвика и расправи меѓу 17-те илјади жители Браунау, од кои некои сакаат дека таа се претвори во центар за бегалци, а другите да стане музеј посветен на австриското ослободување од нацистичкото владеење, пишува Die Presse.

Семејството Хитлер во куќата живеело кусо по раѓањето на Адолф на 20-ти април 1889 година. Неговите родители Карла и Алојз во оваа куќа имале изнајмено апартман над локал кој сега е паб. Тука семејството живеело до 1892 година кога се преселиле во Линц, кога идниот лидер на Третиот рајх имал три години, бидејќи таткото како цариник често го менувал местото на служба.

Самиот Хитлер никогаш не придавал голема важноста на Браунау на Ин, туку на други градови во Австрија кои имаат значење за неговата политичка кариера, како Линц или Виена. При една посета на местото, по анектирањето на Австрија на Германија во 1938 година, фирерот во својата лимузина сам минал пред својата родна куќа.

Браунау, гратче покрај границата со Германија, долго работи на тоа да се помири со фактот дека е родното место на Адолф Хитлер. Локалното здружение организира трибини и научни конференции, улиците го добиле имињата по жртвите на нацизмот и борците на отпорот, а каменот од блискиот концентрационен логор Матхаузен е поставен пред куќата како споменик. „За мир, слобода и демократија. Никогаш повеќе фашизам. Милионите мртви не’ опоменуваат“, стои на натписот.

Постојат идеи кои одат во спротивна насока. Антинацистичката група „Exit Deutschland“ предложи во куќата да биде сместен центар кои би ги убедувал и би им помагал на неонацистите да се откажат до своите убедувања и да ја напуштат крајната десница по примерот на слична програма којашто успешно се спроведува во Германија.

Возрасните жители сега се присетуваат дека постоела уште една опција којашто Австрија и градот Браунау ќе ги ослободела од овој товар. Имено, на крајот од Втората светска војна, во мај 1945 година американските единици го заземале Браунау. Доколку американците биле малку помалку ревносни во „чистењето“ на градот, последната единици на Вермахтот би можела да има време да ја исполни последната наредба на фирерот – неговата родна куќа да биде крената во воздух./крај/мф/сн

Извор: Макфакс

Европа

Голем руски напад врз Украина, Полска ги подигна борбените авиони

Објавено пред

Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.

dobivaj vesti na viber

„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.

Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.

Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.

Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.

Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.

Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.

„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.

Југоисточниот дел на Полска се граничи со Украина, додаде Ројтерс.

Прикажи повеќе...

Европа

Автобус повторно се преврте на автопат во Германија, патниците биле средношколци

Објавено пред

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.

dobivaj vesti na viber

Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.

Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.

Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.

Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.

Прикажи повеќе...

Европа

Украина се обидува да ја убеди Индија да застане на страната на Киев, а не на Москва

Објавено пред

Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.

dobivaj vesti na viber

Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.

Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.

Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.

Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.

Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.

Русија ја отфрли таа украинска дипломатска иницијатива.

Прикажи повеќе...

Најново

Македонија57 минути

Притвор од 48 часа за две лица кои се задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион2 часа

Почна нова детална потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион2 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа2 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет2 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа3 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија15 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија15 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија17 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија18 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија19 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија21 час

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ22 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија22 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија22 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија1 ден

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет1 ден

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет1 ден

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија1 ден

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион1 ден

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...