Европа
Барселона: „Туристи одете си дома“
Туризмот е еден од највносните бизниси во Барселона, вториот по големина шпански град, но 27 милиони туристи кои секоја година ја посетуваат каталонската престолнина и задаваат главоболки на новоизбраната градоначалничка, која се бори средоземноморската порта да ја сочува да не стане тематски парк.
„Туристи одете си дома“ често може да се забележи дека е испишано на ѕидовите низ центарот на градот, кој се бори со зголемениот број туристи, тренд што почна по одржувањето на Олимписките игри во 1992 година.Градот, кој брои 1,6 милиони жители, сега е трет најпосетен град во Европа, по Лондон и Париз, според студијата објавена во 2013 година од Mastercard, а туризмот носи 14 отсто од парите во градскиот буџет.Проблемот со туристите особено е забележителен во лето, кога реки туристи се движат по Ла Рамбла, главната улица и сакаат да ги посетат зградите на модернистичкиот архитект Антони Гауди, додека на плажите нема место да се постеле една крпа.„Барселона е на крстопат. Ако ништо не се преземе, за 30 до 40 години може да стане како Венеција, град кој е специјализиран за туризам“, вели Францеск Муњоз, професор по географија на Автономниот универзитет во Барселона, пишува AFP.Зависноста од туризмот е веќе видлива во некои делови од градот, како улицата Рамбла која има три летни за возила. Некогаш беше место каде се среќаваа локалните жители, а сега улицата е затрупана со туристи кои бараат да купат брза храна и сувенири.„Ја губиме нашата суштина. Таму кадешто некогаш имаше цвеќиња, сега има сувенири“, вели Каролина Палес, сопственичка на најстарата цвеќарница на Рамбла, основана од нејзината прабаба во 1888 година.Пред нејзиниот дуќан има голем билборд кој виси од балконот на кој пишува: „Барселонци, вратете се на Рамбла“.Продавачите на блискиот зелен пазар се жалат дека поради туристите, локалните жители не можат да дојдат и да ги напазарат потребните свежи продукти. Нема како да поминат низ метежот со своите торби.Локалните власти, порано годинава, забранија влез на туристите во пазарот за време на шпицот.„Туристичкиот бум е брз процес, само 25 години, а градот не можеше добро да го апсорбира. Ова генерира туризмофобија“, вели професорот по географија Францеск Паломек, кој од 2008 до 2013 година работел на туристичкиот план на градот. Сега, Ада Колау, активист против иселување, која од минатиот месец е нов градоначалник на Барсеолна, работи на план кој треба животот на локалните жители да го направи покомпатибилен со овој важен економски сектор, кој вработува 120.000 луѓе.Нејзина прва мерка, е да престане издавањето лиценци за туристичко сместување на една година, додека се работи на нова стратегија за контрола на туризмот.Но, оваа одлука спречува околу 30 проекти, од кои најголем е секако оној за познатата згрда „Агбар“, која треба да стане „Хајат“ хотел со пет ѕвезди, откако ја купи инвестицискиот фонд „Емин капитал“, за 150 милиони евра, од каде планираат да ја пуштат во употреба во 2017 година, а каде ќе се вработат 1.000 луѓе.По суспензијата за лиценци, претседателот на „Емин капитал“, Жорди Бадиа предупреди: „Барселона е глобален модел кога станува збор за туризмот. Секој инвеститор сака да дојде овде, а се креира законска несигурност, со што тие ќе заминат на друго место“.Во Барселона во моментот има 600 хотели, со 74.000 соби, како и 9.600 регистрирани туристички апартамни. Но, се претпоставува дека има уште 137.000 легла кои не се регистрирани, а се закупуваат преку интернет.„Барселона е глобална туристичка икона. Но, ако проблемите продолжат може да ја извалкаат таа слика за градот, што секако, ќе влијае на туризмот“, вели професорот Паломек./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.