Европа
Бомбашот од Ансбах го најавил нападот и изразил лојалност на IS
Бомбашот самоубиец кој во неделата вечерта рани според последните информации 15 лица, од кои тrи се во тешка состојба, во јужниот германски град Ансбах, го најавил нападот и изразил лојалност на екстремната сунитска групација Исламска држава (IS) во снимка откриена на неговиот мобилен телефон, извести во понеделникот баварскиот министер за внатрешни работи Јоахим Херман, а истовремено џихадистите ја преземаа одговорноста за овој напад.
Агенцијата Reuters повикувајќи се на интернет ресурси и медиуми блиски на Исламската држава, пренесува дека оваа терористичка мрежа ја преземала вината за самоубиствениот бомбашки напад изведен од страна на 27-годишен барател на азил од Сирија, идентификуван како Мохамед Делеел.
„(Нашиот борец) Ја изведе операцијата како одговор на повикот да се нападнат членките на коалицијата (предводена од САД) против Исламската држава“,објавила новинската агенција Amaq која се смета а гласило на џихадистичката организација.
На снимката најдена во мобилниот телефон се гледа мажот кој е идентификуван како Сириецот кому му било одбиено барањето за азил во Германија и требало да биде депортиран во Бугарија, како вели дека му се заколнал на верност на Абу Бакр ал-Багдади, водачот на самопрогласениот „калифат“ на Исламска држава, рече Херман, пренесува агенцијата DPA.
Баварскиот министер за внатрешни работи наведува дека 27-годишникот признава на снимката дека нападот го извел од одмазда бидејќи Германија „ги убива муслиманите“ . Преводот од снимката открива дека напаѓачот го извршил нападот „во името на Алах“, додаде Херман.
Во нападот во Ансбах, 40-ина километри од Нирнберг и 150 километри од Минхен, смртно настрада само напаѓачот самоубиец кој во ранецот имал експлозив и метални парчиња за предизвикување што поголем број жртви. Станува збор за четврти напад во Германија за само една седмица. Три од нив ги извршиле баратели на азил кои неодамна влегле во земјата со бранот бегалци.
Херман изјави дека во станот на напаѓачот се пронајдени многу материјали за изработка на бомби, како горива, хлорна киселина и средства за чистење на база на алкохол, како и салафистички пропаганден материјал,
Сириецот се разнесе во неделата по 22.15 часот пред ресторан, но имал намера освен себе да убие повеќе лица, бидејќи пред експлозијата не му било дозволено да влеза на концерт од музичкиот фестивал кој се одржувал во близината, а кој потоа беше прекинат, а околу 2.500 луѓе беа евакуирани.
Сириецот веќе претходно се обидел двапати да се самоубие, бил лекуван во психијатриска болница. Барањето за азил му било одбиено минатата година, но му било дозволено да остане во Германија, поради војната во неговата татковина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.