Европа
Браќата Каши погребани во тајност
Двајца од тројцата исламски екстремисти кој ги уби француската полиција по минатонеделните терористички напади во Париз, во тајност се погребан во градот Ремс, во северна Франција, и во париско предградие, објавија неименувани функционери во саботата.
Саид Каши е погребан во гроб без никакви обележја за да не стане култно место за исламисите, како и да не биде сквернавен од десните радикали. Шериф, исто така, во голема тајност бил погребан во месото Женевил, северно предградие на Париз.
Сади и неговиот брат Шариф Каиши, француски државјани од алжирско потекло, на 7-ми јануари во француската престолнина извршија напад во редакцијата на сатиричниот неделник Charlie Hebdo, поради објавувањето карикатури на пророкот Мухамед. Во тој напад браќата убија вкупно 12 луѓе, а тие беа ликвидирани два дена подоцна во местото Демартен-ан-Гоел во близина на Париз.
Претходно во четвртокот градоначалниците на Женвил и Ремс, градовите каде живееле браќата Саид и Шариф Каши, не сакаа нивните тела да бидат погребани таму, затоа што стравуваат дека може да се претворат во места за своевиден аџилак на радикалните исламисти.
Француските власти се’ уште не донесоа одлука каде ќе го погребат Амеди Кулибали, третиот напаѓач кој на 9-ти јануари кој во еврејски супермаркет за кошер храна во Париз уби четворица заложници, откако претходниот ден уби полицајка, а беше убиен речиси истовремено со браќата Каши во престрелка со полицијата. Роднините на Кулибали, исто така ќе треба да одлучат дали да го закопаат во Фонтенеј-о-Рос, предградие на Париз, каде што тој живеел или во самиот Париз.
Ваква дилема имаше и во 2012 година кога требаше да се погреба Мохамед Мера, кој уби седуммина, меѓу кои три еврејски деца и еден рабин, а ниту градот Тулуз ниту Монтобан не сакаа тој да биде погребан кај нив. Надлежните од Тулуз предложија тој да биде погребан во Алжир од каде потекнувал, но Алжир тоа експресно го одби. Тогаш, Николас Саркози, тогашниот претседател пресече, дека тој треба да биде погребан во Франција, затоа што е Французин. Мера беше погребан во Тулуз, но гробот не му е обележан.
Полицијата на територијата на Франција ја продолжува потрагата по лица поврзани со напаѓачите, а досега се уапсени 12 лица./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.