Европа
Брисел замре, откажани летови, децата забарикадирани во училиштата
– (© twitter.com/EUPublicAffairs)
Повеќекратните експлозии со речиси 30 жртви според последните податоци кои одекнаа во вторникот утрото на неколку локациите во белгискиот главен град Брисел, го запреа целиот јавен превоз во европската престолнина, кризниот штаб ги повика жителите да не излегуваат на улиците, локалните власти им препорачаа на училиштата да не ги пуштаат децата надвор од училишните згради, а на родителите да не доаѓаат по нив, додека европските аеродроми почнаа со прифаќањето на стотиците летови кои се пренасочени или откажани по нападот на бриселскиот аеродром.
Повеќекратните експлозии со речиси 30 жртви според последните податоци кои одекнаа во вторникот утрото на неколку локациите во белгискиот главен град Брисел, го запреа целиот јавен превоз во европската престолнина, кризниот штаб ги повика жителите да не излегуваат на улиците, локалните власти им препорачаа на училиштата да не ги пуштаат децата надвор од училишните згради, а на родителите да не доаѓаат по нив, додека европските аеродроми почнаа со прифаќањето на стотиците летови кои се пренасочени или откажани по нападот на бриселскиот аеродром.
На училиштата на територијата на Брисел им е препорачано да не овозможат никому ниту влез ниту излез од училишните згради. Слична препорака им е упатена и на службениците во европските институции. Во очекување на конкретни одлуки на националниот Совет за безбедност и кризниот штаб, од раководствата на училиштата се бара „да не ги пуштаат децата да излегуваат за време на пладневната пауза“.
Од сите жители на белгиската и европската престолнина се бара да останат на местата на коишто точно се нашле во моментот, на училиште, на работи или дома. „Не излегувајте, останете на своите места“, соопшти белгискиот центар за кризни состојби. Европската комисија го повика својот персонал да не излегува од своите канцеларии или домови.
Седиштето на Европската унија замре, јавуваат агенциите, запрен е севкупниот јавен транспорт, трамвајскиот, железничкиот, автобускиот подземната железница, затворени се тунелите, а во прекин се и подвижните мрежи. Прекинат е и сообраќајот ан возот „Eurostar“ кој Брисел преку Париз го поврзува со Лондон. Европските аеродроми ги прифаќаат летовите пренасочени од Брисел, и откажани се сите летови за овој град а засилени се и безбедносните мерки.
„Превентивните и безбедносни мерки во моментов се воспоставуваат на секој од осумте терминали на аеродромот и на двете железнички станици, со контрола на возовите од правец на Брисел и мобилизирање на тимовите со полициски кучиња“, објавија службите на парискиот аеродром „Роаси Шарл де Гол“.
Лондонскиот аеродром „Гетвик“ воведе, исто така, засилени безбедносни мерки по експлозијата на меѓународниот аеродром во Брисел. „Безбедноста на патниците и на персоналот на аеродромот е апсолутен приоритет. Поради страшните настани во Брисел, ја зголемивме безбедносната присутност и патролите на територијата на аеродромот“, објави портпаролот на „Гетвик“.
Британскиот премиер Дејвид Камерон најави на Twitter итен состанок во врска со бриселските експлозии,
Засилени се безбедносните мерки и во еден од најголемите светски аеродроми и најголем во Европа, во Франкфурт, соопшти германската сојузна полиција. „Што се однесува до другите германски аеродроми, не можам да дадам никаква друга изјава, сега сме во фаза на процена“ на ситуацијата, изјави портпаролката на полицијата.
Италијанското министерство за внатрешни работи, исто така, го зголеми нивото на безбедност на италијанските аеродроми. И на холандските аеродроми засилени се безбедносните мерки. „Поради претпазливост преземаме дополнителни мерки. Тоа значи дополнителни патроли на жандармеријата на „Шипхол“, во Амстердам, во Ротердам и Ајндховен“, го пренесува телевизијата соопштението на полицијата. Грчкиот авиопревозник „Aegean Airlines“ во соопштение до агенциите извести дека ги откажал сите летови кон Брисел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.