Европа
Британската полиција истражува врска на десниот екстремизам со убиството на пратеничката
Британската полиција во петокот соопшти дека десничарскиот екстремизам е важна насока во истрагата за убиството на 41-годишната лабуристичка пратеничка Џо Кокс, откако мажот приведен за нејзиното убиство е осомничен за врски со неонацисти и историја на душевна болест.
Џо Кокс, за која британските медиуми потенцираат дека беше приврзаник на останување на Велика Британија во Европската унија, беше застрелана и прободен со нож во четвртокот од маж, за кој сведоците велат дека наводно при нападот извикувал „Прво Британија“, во нејзиниот изборен круг во близина на Лидс во северна Англија. Тоа, инаку, е име на крајно десна партија којашто на своите интернет страници себеси се опишува како „патриотска партија и улична организација за самоодбрана“.
Полицијата го уапси 52-годишниот Томас Мејр, во близина на местото на инцидентот, и тој и натаму е во притвор каде е испрашуван. Тој сé уште не е обвинет.
Полицијата соопшти дека припадниците на антитерористичката агенција се вклучени во истрагата за нападот кој се случил кога Кокс одела да се сретне со своите гласачи во локалната библиотека.
„Свесни сме за шпекулациите во медиумите во врска со поврзаноста на осомничениот со службите за психичко здравје и таа насока ја следиме“, изјави во соопштение привремената началничка на полицијата во Западен Јоркшир, Ди Колинс.
„Свени сме и за заклучоците во медиумите за тоа дека осомничениот е поврзан со десниот екстремизам, што е приоритетна насока на истрагата којашто ќе ни помогне да ги утврдиме мотивите за нападот врз Џо“, додава.
Право Британија, крајно десната националистичка група, решително негираше каква и да е поврзаност со осомничениот за убиството на надежната млада лабуристка, мајка на две малолетни ќеркички.
Меѓутоа, американска група за граѓански права соопшти дека тој Мејр претходно бил поврзан со една неонацистичка организација. Southern Poverty Law Center (SPLC), група чие седиште е во американската сојузна држава Алабама, на својата интернет страница објави дека наводно дошла до податоци коишто покажуваат дека Томас Маир бил поврзан со ненонацистичката организација Национален сојуз (NA) во 1999 година.
SPLC објави слики коишто, како што наведува, покажуваат нарачки за книги кои Мејр, чијашто адреса е наведена како Бетли во северна Англија, купил од издавачот на Националниот сојуз – „National Vanguard Books“ во мај споменатата 1999 година. Нарачката вклучува и прирачник за тоа како да се состави пиштол, изјави SPLC./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.