Европа
Британското прашање и заштитата на надворешните граници се главните теми на самитот на ЕУ
Челниците на 28-те земји членки на Европската унија ќе се соберат во четврток и во петок на самитот во Брисел за да разговараат за британското прашања кое е условено со референдум за останување во блокот, за миграциите, заштитата на надворешните граници со цел да се сочува шенгенскиот простори, како и борбата против тероризмот.
Европските челниците на својот годинешен последен самит во четвртокот попладнето ќе го започнат со традиционалната средба со претседателот на Европскиот парламент, Мартин Шулц. Потоа ќе следува расправата за миграциите, а во текот на работната вечера предвиден е разговор за условите на Велика Британија која бара враќање на предадените ингеренции.Челниците на ЕУ треба да повикаат на забрзување на воспоставувањето на центрите за регистрација и прифаќање на бегалците и имигрантите во Грција и во Италија, на зајакнување на надзорот на надворешните граници на Унијата, како и на побрзо спроведување на планот за преселувањето на бегалците во земјите членки според утврдените квоти.Во заклучоците европските челници, исто така, треба да повикаат и на подобра соработка на полициите и разузнавачките служби во борбата против тероризмот.Шефовите на државите или владите ќе дискутираат и за предлогот за воспоставување Европска гранична и крајбрежна стража, кој Европската комисија го претстави во вторникот, Комисијата предлага припадниците на оваа нова агенција, којашто би ја заменила досегашната Фронтекс, да може да бидат упатени на надворешните граници на ЕУ дури и во случаи кога земјите членки на чии граници би доаѓале не ја дадат својата согласност. Целта на овој предлог е да се зачува шенгенскиот простор, кој се смета за едно од најголемите достигнување во досегашните интеграции. Се очекува дека учесниците на самитот ќе го повикаат Советот на Европа и Европскиот парламент што поскоро да го разгледаат овој предлог.Претседателот на Европската комисија, Жан-Клод Јункер, во средата на пленарна седмица на Европскиот парламент во Стразбур истакна дека треба да се стори сé за да се сочува Шенген, кој беше доведен во прашање кога земјите членки, соочени со масовните прили на мигрантите, почнаа да ги затвораат своите граници и да воведуваат привремени контроли, кои би можеле да станат и трајни доколку не се осигури поефикасен надзор на надворешните граници на ЕУ.„Сакам да бидам потполни јасен: додека сум јас претседател на ЕК, ќе сторам сé што е можно за да го заштитиме он што го изградивме и да го направиме подобро. Сакаме да го заштитиме сето она што го претставува Шенген и во тоа сме порешителни од кога и да е. Шенген е тука за да остане. Ние Европејците немаме повеќе многу граници, имаме само една граница и заедничка одговорност да ја заштитиме“, порача Јункер.Додаде дека според предлогот на ЕК, земјите членки го задржуваат суверенитетот на своите граници, а дека Европската гранична и крајбрежна стража ќе го следи приливот на имигрантите во целата ЕУ, ќе ги идентификува слабите точки и ќе бара од земјите членки да ги преземат неопходните мерки. Меѓутоа, доколку проблемот не се решава, ЕК ќе мора да интервенира и да ги испрати европските граничари. „Доколку постои сериозен проблем на нашите надворешни граници, ние не можеме да стоиме отстрана и да не правиме ништо. Мораме да дејствуваме“, рече Јункер.Една од најважните теми на самитот ќе биде прашањето на Велика Британија. Челниците на ЕУ ќе се обидат да постигнат договор околу реформите коишто ги бара Лондон, за да остена во Европската унија. На овој самите цел е да се постигне политички договор за преостанатите отворени прашања, за да може конечниот договор да се обликува до февруари 2016 година.Британскиот премиер Дејвид Камерон во ноември објави четири главни подрачја за коишто бара реформи во ЕУ, за да може на своите избирачи да им препорача да гласаат за останување во Унијата на референдумот кој го вети до крајот на 2017 година. Референдумот би можел да се одржи и многу порано, а како можни датуми во британските медиуми се споменуваат јуни или септември 2016 година.Кога станува збор за британските барања, постигнат е одреден напредок, а најтешкото нерешено прашање останува прашањето на социјалните надоместоци и слободата на движењето, односно британското барање да се ограничи ткн „социјален туризам“, односно правото на државјаните на другите земји членки на ЕУ на социјални бенефиции во Велика Британија. Лондон бараше работниците од другите земји членки да мораат да работат најмалку четири години во Велика Британија пред да добијат право на социјални бенефиции кои ги имаат домашните работници, што претставува дискриминација и е во директна спротиставеност со принципите и прописите ко владеат во ЕУ., , Германската канцеларка Ангела Меркел изјави во средата во Бундестагот дека сака да постигне договор со Велика Британија според кон британската влада би можела да води кампања за останување во ЕУ, но тој договор не смее да биде на штета на темелните принципи на ЕУ, како што е слободата на движењето.„Од една страна, ние сакаме да постигнеме договор со кој британската влада би можела да води успешна кампања за останување во Унијата на референдумот. Од друга страна, пак, не сакам и нема да ги доведеме во прашање основните начела на европските интеграции, Тоа го вклучува и принципот на слободата на движењето и принципот на недискриминација меѓу европските граѓани“, порача германската канцеларка.На самитот, исто така, ќе се разговара и за јакнењето на Европската економска и монетарна унија, за внатрешниот пазар, енергетската унија и за ситуацијата во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.