Европа
Челниците на ЕУ подржаа создавање енергетска унија
Челниците на 28-те земји членки на Европската унија го поддржаа во четвртокот навечер на самитот во Брисел предлогот за формирање енергетска унија, објави претседателот на Европската комисија, Доналд Туск.
„Направивме голем чекор напред. Сите челници се согласија околу јакнењето на транспарентноста на пазарот на гласот, така што добавувачите нема да можат да ја злоупотребуваат својата позиција за кршење на законодавството на Европската унија и да ја загрозуваат енергетската сигурност“, изјави претседателот на Европската комисија, поранешниот полски премиер Доналд Туск, по завршувањето на расправата за енергетската унија, една од темите на самитот на шефовите на држави или влади на земјите членки на ЕУ.
Туск во изјавата истакна и дека енергетската унија може темелно да ја измени ситуацијата во Европа во поглед на поевтина, одржлива и сигурна енергија за компаниите и за граѓаните.
Енергетската унија е најамбициозниот енергетски проект од создавањето на Европската заедница за јаглен и челик во педесеттите години од минатиот век. Со создавањето на енергетската унија расцепканите национални пазари на енергија би се интегрирале во заеднички европски пазар. Една од најважните цели на оваа унија, со поддршка на САД, е да се намали зависноста на Европа од увозот на енергенси од Русија.
Во заклучоците се наведува дека треба да се осигури поголема транспарентност на пазарот на гасот, како и дека „сите договори со трети снабдувачи мора да бидат во согласност со европското законодавство“. Во прв ред се мисли на договорите коишто некои земји членки ги склучија со рускиот енергетски гигант „Газпром“, а според Брисел се во спротивност со некои одредби од европското законодавство. Ваквиот европски став беше причина Русија да го откаже проектот „Јужен тек“ со кој преку Бугарија, рускиот гас да ја заобиколи проблематичната Украина, и да биде испорачуван во јужните и централни земји на ЕУ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“, повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува Танјуг.
Полицијата во моментов спроведува истрага со проверка на робата во продавниците, поради што се уште не се знае конечната количина на дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.