Европа
Челничката на опозицијата ја повика Меркел да поднесе оставка
Челничката на германската десна партија која се противи на доселеничкиите политики — Алтернатива за Германија (AfD), во саботата во атмосфера на изблици на гнев против азилантските политики на канцеларката Ангела Меркел, ја повика да поднесе оставка поради политиката на отворени врати за имигрантите.
„Меркел, дајте оставка. Вие тоа го можете“, изјави Фрауке Петри на конвенцијата пред околу 600 приврзаници на AfD, алудирајќи на изјавата на германската канцеларка „Wir schaffen das“ (Ние го можеме тоа) упатена на оние кои се сомневаат дека Германија може да се справи со приливот од имигранти чиј број според очекувањата годинава би можел да достигне милион луѓе.Петри, чијашто Алтернатива за Германија доживува неверојатно заживување откако речиси исчезна во борбата за власт токму поради растечкото антиимгрантско расположение во Германија, рече дека нејзината има реални шанси да влезе во парламентите на уште три сојузни германски држави следната година, како првпат и во сојузниот парламент во 2017 година. Петри доби овации за нападите на, како што ја оцени, недемократската одлука на Меркел да ги отвори границите за имигрантите.Меркел, која ќе учествува во неделата на самитот на челниците на Европските унија и турскиот премиер Ахмет Давутоглу за прашањето на имигрантите, дава отпор на притисокот кој доаѓа од нејзините конзервативци да го ограничи бројот на имигрантите. Во обраќањето во Бундестагот во средата вети дека ќе опстане на политиката на отворени врати за имигрантите, пркосејќи им на критиките дома и во странство, кои јакнат поради можните безбедносните закани по терористичките исламистички напади од Париз. Меркел сака решавање на кризата од повеќе правци кои би се темелело на соработка со другите земји во ЕУ и Турција. Сестринската партија во нејзината владејачка коалиција баварската CSU сака да се ограничи приливот на имигранти.Фрауке Петри и Јерг Меутен ја преземаа AfD од Бернд Луцке, кој во јули ја напушти партијата којашто ја основаше во 2013 година за да се спротистави на спасувањата во еврозоната, наведувајќи го нејзиното скршнување во ксенофобија. AfD е трета партија на национално ниво со 10,5 отсто првпат овој месец во истражувањето на јавното мнение на институтот INSA, откако претходно во времето на Луцке освојуваше 3 отсто. Гласовите оваа партија ги земја од конзервативците од CDU на Ангела Меркел.Партијата AfD на конгресот во Хановер го претстави планот како да се стави крај на, како што го нарекуваат, „азилантскиот хаос“. Партијата сака драстично да се намали бројот на имигранти ви Германија, меѓу другото и со одбивањето на Сиријците и Ирачаните кои доаѓаат од „сигурни трети земји“ како што се Турција и Либан и барателите на азил без лични документи. Исто така, сака намалување на периодот потребен за обработка на барањата за азил на 48 часа.Под водството на Петри, AfD ги привлече приврзаниците на крајната десница и функционери, предизвикувајќи критики од германските медиуми и политичари дека партијата станува ксенофобна. Петри рече дека нејзината партија е жртва на клеветничка кампања и ги нарече медиуми „Пинокио процес“ и „лажлив печат“. Додаде дека неконтролираниот прилив на баратели на азил ја зголемува опасноста од терористички напади како оние во Париз.AfD доби пратенички места во собранието на Хамбург во февруари годинава влегувајќи првпат во едно законодавно тели на западот од Германија, а оттогаш доби пратеници и во Бремен. Од претходно е застапена во Саксонија, Тирингија и Бранденбург во источна Германија, каде што е најголемата одбојност кон имигрантите, и станува сé позначајна партија на национално ниво. Најголемата проверка за партијата ќе бидат сојузните избори во 2017 година. Сопретседателот Меутен изјави дека е убеден дека за две години ќе влезе во Бундестагот со 20 отсто од гласовите на избирачите. Според него, AfD не е десна партија. „Се залагаме за силен патриотизам отворен кон светот и сакаме тука и натаму да живееме со нашите деца и внуци“, изјави додавајќи дека и покрај навредите од медиумите и под политичките противници, толку луѓе сакаат да ` пристапат на партијата, што таа не стигнува да ги обработи барањата./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Кремљ за евентуалното блокирање на „Телеграм“: „Сè повеќе станува алатка во рацете на терористите“
Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.
„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.
Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.
Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.
Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, варварска кампања и ги повлече војниците.
Шолц за „Маркише Агемајне цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле масакрите во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа „Запорожје“ и за размена на затвореници.
„Голем број земји, вклучително и Украина, во моментот разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата варварска кампања и да ги повлече трупите“, истакна Шолц.
Европа
В недела голем тест за Ердоган: ќе успее ли „султанот на Турција“ повторно да ја освои власта во Истанбул и Анкара
В недела во Турција ќе се одржат општински избори, а во оваа пригода партијата на претседателот Реџеп Таип Ердоган (АКП) ќе се обиде да ја врати контролата врз Истанбул и Анкара, градови што гласаа против АКП во 2019 година.
Аналитичарите тврдат дека овие избори ќе бидат мерка за поддршка на Ердоган на национално ниво, но и за силата на опозицијата, особено на градоначалникот на Истанбул, Екрем Имамоглу. Според „Ројтерс“, се очекува тесна трка за градот Босфор, кој е дом на повеќе од 16 милиони луѓе и придонесува повеќе од една четвртина од националниот БДП.
На последното локално гласање во 2019 година главната опозициска Републиканска народна партија (ЦХП) го изненади Ердоган кога преовлада во Истанбул и Анкара ставајќи крај на повеќе од две децении владеење на АКП и нејзините исламистички претходници.
Главниот противник на актуелниот градоначалник на Истанбул, пратеникот на ЦХП, Имамоглу, е членот на АКП, Мурат Курум, поранешен министер во кабинетот, а анкетите покажуваат мала предност за Имамоглу. Анкетите велат дека актуелниот градоначалник на Анкара, Мансур Јавас, е далеку пред противникот на АКП, Тургут Алтинок, поранешен претседател на општина во тој град.
Речиси 11 милиони луѓе имаат право на глас во Истанбул, според Врховниот изборен совет. Одѕивот на општите и локалните избори е многу висок во Турција, речиси 90 проценти. Минатиот мај Ердоган беше реизбран за претседател и неговата алијанса освои мнозинство во парламентот на тесни општи избори, резултат што, според „Ројтерс“, ја поделил и деморализирал алијансата ЦХП и другите опозициски партии.
Буџетот на Истанбул е многу поголем од сите други 80 града во земјата со 516 милијарди лири (16,05 милијарди долари) во 2024 година вклучувајќи ги и нејзините подружници, а буџетот за главниот град Анкара, од друга страна, е 92 милијарди лири.
Освен во Истанбул и Анкара, резултатите се очекува да бидат блиски и во градовите Бурса, Адана и Анталија. В недела Турција ќе гласа и во другите 79 провинции во земјата за лидери и окружни шефови на провинции, окружни совети и локални администратори.