Европа
Чешка бара итно да се затвори Шенген и да го брани НАТО
Чешкиот вицепремиер и министер за финансии Андреј Бабиш побара Европската унија итно да го затвори шенгенскиот простор за бегалците и за одбрана на границите да го ангажира НАТО, а на Блискиот исток и во Африка да направи огромни бегалски логори во кој би се правела селекција.
„Надворешната граница на шенгенскиот простор треба итно да се затвори за да може територијата на повеќето членки на Еевропската унија да се брани од приливот на бегалци, а во одбраната би требало да се вклучи и НАТО“, изјави во вторникот Бабиш.
„Кога ќе ја погледнете мапата, шенгенскиот простор има посебен облик. Тука е осамена Грција, а следната граница е Унгарија. Прашање е дали на македонската или на бугарската армија би им била потребна помош на НАТО. Ако државите на периферијата на шенгенскиот простор не се во состојба да го одбранат, би требало да се договориме на повисоко ниво“, им рече на чешките медиуми Бабиш.
Вицепремиерот ја повтори својата идеја ЕУ на северот на Африка и на Блискиот исток да изгради огромни бегалски логори, во кој би вршела селекција и ги одвојувала оние на кои навистина им е потреба помош од економските мигранти.
„Европа мора да каже дека не може да прими 10 милиони бегалци од целиот свет. Мора да каже: Не можете да доаѓате да бидете невработени и веднаш да примате социјална помош“, рече Бабиш.
И чешкиот претседател Милош Земан смета дека ЕУ треба со помош на армија да ги брани границите од бегалците. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.