Европа
Чешка ги засилува контролите кон Австрија, Словачка ќе стави вето на квотите
Чешка ќе ги зајакне контролите на својата граница со Австрија, откако Германија донесе одлука за повторно воведување на граничните контроли поради приливот на бегалците, а истовремено Словачка најави дека ќе стави вето на секоја одлука за воведување на задолжителните квоти за распределување на мигрантите во земјите членки на Европската унија.
Чешка ги засилува контролите на својата граница со Австрија. Следните фази ќе бидат одредени според бројот на бегалците кои се движат кон Чешка, изјави министерот за внатрешни работи Милан Чованец за државната телевизија. Портпаролката на министерството, Петра Кучерова, пак, за AFP изјави дека одлуката на Прага е поврзана со одлуката на Берлин повторно да ги воведе контролите на своите граници.
Чешка е транзитна земја за бегалците чија цел се побогатите земји во ЕУ, како Германија или Шведска, и само неколку десетици бегалци побарале азил досега во оваа земја.
Како и Унгарија, Словачка и Полска, и Чешка остро се спротиставува на системот на квоти кој го предложи Европската комисија. Чешкиот премиер Бохуслав Соботка оцени во неделата дека тој систем „нема да функционира“, бидејќи бегалците не сакаат да останат во најсиромашните земји од ЕУ.
Речиси истовремено во неделата, словачкиот министер за внатрешни работи Роберт Калинак соопшти дека Словачка ќе вложи вето на секоја одлика за задолжителните квоти за распределувањето на бегалците и мигрантите меѓу земјите членки на ЕУ, на состанокот во понеделник.
Министрите за внатрешни работи на 28-те земји членки ќе одржат вонреден состанок во Брисел во понеделник за да ги разгледаат предлозите за распределбата на мигрантите кои во средата ги изложи претседателот на Европската комисија, Жан-Клод Јункер.
„Имам мандат од владата и од парламентот да вложам вето на кое и да е прашање во врска со квотите, бидејќи тие немаат смисла, директно се насочени против бегалците и на ниеден начин не ја решаваат оваа криза“, изјави Калинак во телевизиското интервју.
Јункер во средата предложи земјит ечленки на ЕУ, според одредени податоци и според задолжителни квоти да ги распределбата меѓу себе на веќе 170-те илјади мигранти и бегалци кои во моментов се наоѓаат во Италија, Грција и Унгарија и кои сакаат да дојдат до богатите западноевропски земји./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.