Европа
Ципрас ја повика Франција да го предводи растот, за Меркел во еврозоната нема несогласување поради Грција
Новиот грчки премиер Алексис Ципрас во средата по состанокот во францускиот претседател Франсоа Оланд, го повика Париз да ја одигра „водечката улога на гарант“ во поттикнувањето на економскиот раст во Европа, додека германската канцеларка Ангела Меркел уверува дека во еврозоната нема несогласувања во врска со ставовите за Грзија.
„Денес ни е потребен договор за Европа, договор околу растот на европската економија“, изјави премиерот на Грција, истакнувајќи дека неговата земја „не претставува закана за Европа“. „Франција мора да ја одигра улогата на протагонист во таа политичка промена“, одаде Алексис Ципрас.
Грција која има малку време за да избегне финансиски колапс, во средата ѝ предложи на Европската унија план за реформи и финансирање во следните четири години и побара од Европската централна банка (ЕСВ) за да се обиде „да ја одржи главата на водата“.
Францускиот претседател Франсоа Оланд во својата изјава нагласи два принципа: солидарност, потсетувајќи дека Париз и Атина споделуваат иста монетарна зона, и почитување, од една страна на волјата на грчкиот народ во врска со изборот на својата власт, но исто така и на „европските правила кои важат за сит, вклучително и за Франција“.
Во Берлин, пак, германската канцеларка Ангела Меркел оцени дека меѓу членките на еврозоната нема темелни разијдувања во врска со Грција. „Не верувам дека постојат разлики око основните прашања кога зборуваме за Грција“, изјави Меркел на заедничката прес-конференцијата со премиерот на Малта, Џозеф Мускат, одговарајќи на новинарско прашање дали стравува дека новата грчка влада може да внесе раздор во еврозоната, имајќи ги предвид финансиските проблеми и во Франција и во Италија.
„Разговарав телефонски со италијанскиот премиер (Матео Ренци) и контакт сум со претседателот (на Франција, Франсоа) Оланд. Разговаравме за тоа и мислам дека сега Грција треба да ни ги претстави своите идеи“ рече Меркел.
Премиерот Ципрас и министерот Варуфакис се на европската турнеја за своите идеи да ги запознаат партнерите во Европската унија, како да се продолжи откако во предизборната кампања ветија дека ќе ги прекинат мерките за штедење кои Грција ги прифати од меѓународните доверители во замена за огромната финансиска помош која земјата ја спаси од банкрот.
Ципрас во вторникот во Рим разговараше со италијанскиот премиер Матео Ренци, а веднаш по состанокот со тројцата челници на ЕУ, од Брисел отпатува за Париз на разговори со францускиот претседател Франсоа Оланд. Во четврток министерот Варуфакис во Берлин го очекува германскиот министер за финансии Волфган Шојбле./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.