Европа
Декодирани нови фрагменти од снимката на авионската несреќа на полскиот претседател
Полските експерти дешифрирале нови фрагменти од записите од пилотската кабина на авионот на полскиот претседател Лех Качински „Ту-154М“ кој на 10-ти април 2010 година се урна крај рускиот град Смоленск, кои потврдуваат дека командантот на воздухопловните сили вршел притисок врз членовите на екипажот.
Во авионската несреќа кај Смоленск, во која покрај претседателот на Полска, Лех Качински и неговата сопруга, загинаа уште осум членови на екипажот и 88 патници, претставници на највисоките државни органи и институции кои патуваа на одбележувањето на годишнината од масакрот во Катинската шума на околу 28 илјади полски офицери во текот на Втората светска војна. Окружното воено обвинителство во Варшава веќе петта година ја води истрагата и околностите за трагедијата
Според извештајот од вторникот на полското радиот RMF FM, новите податоци од декодираните на „црните кутии“ целосно потврдуваат дека во пилотската кабина во моментот на несреќата се наоѓал командантот на воздухопловните сили на Полска, генералот Анджеј Бласик, кој како што се претпоставувал, вршел притисок врз екипажот. Полските експерти и претходно изразуваа сомневања дека генералот инсистирал пилотите да се спуштат на аеродром Северниј во Смоленската област, иако била намалена видливоста, а леталото се урна на половина километар од пистата.
Според експертите од декодираниот запис произлегува дека генералот Бласик рекол „Тоа е факт, ние мораме да го сториме тоа, до крај“. Подоцна на височина од 300 од земјата, тој рекол „Помести се. Смело“. Покрај тоа, пилотот на 15 минути пред падот на авионот предлага да се сврти кон заменскиот аеродром „Минск или Витебск“ и обраќајќи се кон трето лице рекол „Да се вратиме“. Радиото истакнува дека полската истрага за причините за трагедијата кај Смоленкс „ја очекува вистински шок“.
Меѓудржавната воздухопловна комисија во 2011 година го објави финалниот извештај за резултатите од техничката истрага, според кој непосредна причина за уривањето на авионот на полскиот претседател е одлуката на екипажот да не тргне кон алтернативниот аеродром, а системската причина е недостиг во осигурувањето на летот и подготовката на екипажот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.