Европа
Десниот кандидат за австриски претседател го призна поразот
Кандидатот на партијата од крајната десница Австриската слободарска партија (FPo) Норберт Хофер го призна поразот на претседателските избори од поранешниот челник на Зелените, Александр Ван дер Белен, а резултатите покажуваат дека стравувањата дека Австрија ќе биде првата земја членка на Европската унија која за челник ќе има политичар од крајната десница не се оствариле само за 0,6-процентни поени од гласовите.
„Благодарен сум за вашата неверојатна поддршка. Се разбира, денеска сум натажен., Со радост би се грижел за нашата прекрасна земја од претседателската должност. Ви останувам верен и ќе го дадам својот придонес за позитивната иднина на Австрија“, напиша Норберт Хофер на својата страница на фејсбук.
Хофер ги повикува своите приврзаници да не очајуваат и нивното учество во неделните претседателски избори го оценува како „инвестиција во иднината“, пренесува агенцијата APA.
Во понеделникот австриското министерство за внатрешни работи соопшти дека го завршило пребројувањето на гласовите добиени по пошта, кои сочинуваат 14 отсто од вкупното гласачко тело, односно станува збор за 900.000 гласачи. Пред нивното пребројување Хофер беше во водство со 51,9 отсто, а поранешниот челник на Зелените, Ван дер Белен, кој ја имаше поддршката во вториот изборен круг и од другите две традиционалнипартии, освоил 48,1 отсто од гласовите. Меѓутоа, беше прогнозирано дека дер Белен ќе победи со многу тесна разлика.
Според конечните резултати од вториот круг на претседателските избори, новиот шеф на австриската држава станал Александр Ван дер Белен, со освоени 50,3 отсто од гласовите, за 0,6 отсто повеќе од Норберт Хофер.
Победата на десно крајниот кандидат Хофер (35,1 отсто од гласовите) и независниот кандидат Ван дер Белен (21,3 отсто) претставува неочекувано изненадување, бидејќи никогаш од крајот на Втората светска војна националистите во Австрија не биле водечка политичка сила. Истовремено, двајцата кандидати на партиите од владејачката коалиција претрпеа тешки порази, што укажува на длабока криза на двете традиционални партии кои се менуваа во власта.
Изненадувањето за коментаторите претставуваше големата поддршка за Хофер, кој и покрај кризата во односите меѓу ЕУ и Русија поради украинскиот конфликт, за залагаше за брзо укинување на европските санкции кон Москва, а имаше и бројни остри изјави против масовните миграции и европската политика кон ова прашање.
Сегашната влада на Австрија ја сочинуваат социјалдемократите и „народњаците“, двете големи партии кои со години како спротиставености доминираа со тамошната политичка сцена, но сега станаа изборни губитници.
Тесната изборна трка, ја одразува сé поголемата поделба во австриското општество. Меѓу оние кои им изразуваат добредојде на речиси стоте илјади доселеници, кои пристигнуваат од минатата година, и оние кои стравуваат дека тоа ќе ги загрози традиционалните австриски вредност, ќе ја промени демографијата на земјата и ќе го загрози животниот стандард.
Излезните анкети покажуваа дека оние кои се чувствувале економски посигурно, гласале за Ван дер Белен, додека оние кои очекуваат пад на животниот стандард гласале за Хофер. Се проценува дека 86 отсто од работниците гласале за Хофер, пишува DPA./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.