Европа
Die Welt: ЕУ не е обединета по санкциите, како што изгледа
Земјите членки на Европската унија само на прв поглед се едногласни по прашањето на санкциите против Русија поради нејзината улога во кризата во Украина, пишува германскиот весник Die Welt.
Говорејќи на прес-конференцијата во врска со самитот на челниците на владите на земјите членки на Европската унија кој се одржа во Брисел, германската канцеларка Ангела Меркел изјави дека ЕУ нема да ги намалува санкциите против Русија, нивното проширување на Крим, истакнувајќи ја единствената позиција на Унијата по тоа прашање.
Сепак, весникот Die Welt, оценува дека станува збор само за единство коешто е тоа само наизглед. Така, се повикува на изјавата на канцеларот на Австрија, Вернер Фејман, кој истакнал дека „Санкциите секогаш се еден вид самоодбрана. Сепак, некои од нив сакаат да направата еден вид религија“.
Спорд Фејман, постои особено изразен „контраст“ меѓу поддржувачите и противниците на санкциите против Русија. Самиот тој дава јасно на знаење дека е застапник на барањето на алтернативните патишта. „Не постои само една патека којашто води до длабоката (криза0, постојат и други патишта кои произлегуваат од него“, додава./крај/мф/сн
Извор: Die Welt
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.