Европа
Џихадист уапсен во март во Франција планирал напад на ЕУРО 2016
Реда Крикет, кој во март бил уапсен во близина на француската престолнина Периз, сигурно планирал напад на Европското фудбалско првенство кои се одржа во оваа земја од 10-ти јуни до 10-ти јули, изјави францускиот премие Мануел Валс.
Изјавата на премиерот Мануел Валс дадена пред пратениците на француското Национално собрание во текот на дебатата за проширувањето на вонредната состојба за уште шест месеци во текот на изминатата ноќ, е првата официјална потврда дека ЕУРО 2016 бил цел на мрежата на овој 34-годишен Французин која е разбиена, а подготвувала, како што тврдат француските власти, напад „со големи размери“.
„Од 2012 година спречени се шеснаесет напади, а првенствено благодарејќи на тоа што во март 2016 година во Аржентуел е уапсено лице кое во својата куќа поседувало вистински арсенал и експлозивни средства со голема моќноста, и сигурно планирало напад врз Европското фудбалско првенство“, рече Валс.
Премиерот уште во понеделникот вечерта почна да изнесува информации за тој планиран напад, велејќи дека „пред самиот почеток на шампионатот“ е спречен напад кој би можел да резултира со „голем број жртви“. Медиумите од извори блиски на Валс дознаваат дека не станува збор за нова група, туку за онаа на францускиот државјани Ред Крикет.
Иако француските власти беа задоволни од тоа што во текот на континенталниот фудбалски шампионат немаше терористички напади, четири дена по неговото завршува, на 14-ти јули на националниот празник Денот на падот на Бастилја во масакрот во Ница беа убиени 84 луѓе./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.