Европа
Договор меѓу конзервативците и социјалистите за поделба на мандатот на претседателот на ЕП
Челниците на двете најголеми политички групации во Европскиот парламент се договорија во вторникот дека првите две ипол години претседател на ова тело ќе биде социјалист, а преостанатите две ипол години функцијaта ќе ја извршува кандидатот на Европската народна партијa (ЕPP).
На средбата на челниците на пратеничките групи, Манферд Вебер од Европската народна партија (ЕРР) и Мартин Шулц од социјалистите и демократите, договорена е поделба на мандатот на претседателот на Европскиот парламент, како што беше и во претходниот состав на парламентот.Во првите две ипол години тоа ќе биде социјалистот Мартин Шулц, а од 1-ви јануари 2017 година кандидатот на Европската народна партија.Од ЕРР соопштија дека на состанокот бил постигнат голем напредок во формирањето на мнозинството во Европскиот парламент и за обликувањето на реформската програма за следните пет години.„Челниците на двете групи, Манфред Вебер и Мартин Шулц, постигнаа во вторникот значителен напредок во обликувањето на стабилно и одржливо мнозинство во Европскиот парламент, како и во обликувањето на реформската програма за следните пет години“, се наведува во соопштението. Новиот состав на Европскиот парламент ќе ја одржи конститутивната седница на 1-ви јули, кога би требало да биде и изгласан претседателот на парламентот. На следната пленарна седница, пак, кон средината на јули, Европскиот парламент би можел да гласа за новиот претседател на Европската комисија, доколку шефовите на државите и владите на земјите членки на ЕУ на својот самит кон крајот на оваа седмица ќе ги именуваат кандидатите. Се очекува дека на самитот, и покрај големото противење на значајната членка Велика Британија, ќе биде предложен долгогодишниот поранешен луксембуршки премиер Жан-Клод Јункер за наследник на Жозе Мануел Баросо./крај/мф/сн
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.