Европа
Дваесет украински војници се предале во Дебалцево, петмина убиени
Најмалку дваесет украински војници им се предале на силите на рускоајзичните бунтовници во стратешки важниот железнички јазол Дебалцево, кои го контролираат поголемиот дел од градот, соопшти во вторникот ткн министерство за одбрана на самопрогласената одметната Народна република Донецк, а воениот портпарол на Киев соопшти дека пет војници се убиени во бунтовничките напади.
„Имаме сознанија за предавање на дваесет војници. Станува збор за обични војници и пониски офицери на Вооружените сили на Украина“, се наведува во соопштението на бунтовничките власти во Донецк што го цитираат локалните медиуми.
Претходно бунтовнички сили објавија дека се предале 120 војници. Оваа информација за агенцијата РИА Новости ја демантираше портпаролот на воената операција на украинската војска во источните региони, Андриј Лисенко. Но засега информацијата за предавање на дваесетте војници не е потврдена од официјален Киев, а дописниците на странските агенции засега не се во можност да ја проверат од независни извори.
Воениот портпарол на украинските власти, Владислав Селезнев, во вторникот на прес-конференција во Киев објави дека пет украински војници се убиени а 14 се ранети на источниот дел од земјата. „Повеќето загинаа околу Дебалцево“, додаде.
Набрзо ткн министерство за одбрана на бунтовниците во Донецк, објави и дека поголемиот дел од градот Добелцево е под контрола на неговите сили.
„Според последните податоци, поголемиот дел од Дебалцево е под наша контрола. Украинските сили го контролираат само западниот дел од градот“, се вели во соопштението во кое се додава и дека украинските војници „активно се предаваат и ги напуштаат своите позиции“.
Дебалцево, кое поради своето стратешко значење е најжешката точка од фронтот во источна Украина, од почетокот на операциите на украинската армија ланскиот април за враќање на контролата врз побунетите рускојазични региони, речиси еден месец е опколено од бунтовничките милиции. Според челникот на бутновнциите од Донецк, Александр Захарченко, инаку етнички Украинец, во Дебалцево има најмалку пет илјади украински војници.
Ситуацијата во Дебалцево беше предмет на телефонскиот разговор од понеделникот ноќта меѓу челниците на земјите коишто на 12-ти февруари го потпишаа договорот во Минск за постигнување примирје во источна Украина, Украина, Русија, Франција и Германија.
Киев тврди дека овој град, која е важен железнички јазол во источните региони треба да го контролира украинската војска, бидејќи во моментот на потпишувањето на договорот тој беше под контрола на неговите сили, додека бунтовниците тврдат дека Дебалцево се наоѓа длабоко во територијата којашто ја контролираат тие, која според една од одредбите на договорот од Минск ќе добие специјален статус и поголема автономија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.