Европа
ЕК треба да го напише текстот на одлуката за санкциите против Русија
Амбасадорите за земјите членки на Европската унија побараа во петокот од Европската комисија да го напише текстот за одлуката за санкции против Русија, но сé уште не постигнат конечен договор за нивното наметнување на Москва, соопштија за Reuters дипломатски извори, а истовремено претседателот на Европскиот совет, Херман ван Ромпуј испрати писмо до челниците на 28-те земји членки на ЕУ со предлог да ги овластат своите амбасадори во Брисел да воведат санкции во област ана одбраната, финансиите и технологиите без да се свикува нов самит што ќе овозможи нивно носење на 29-ти јули, рекол извор од Советот на ЕУ за Итар-Тасс.
Според соговорникот на Reuters, европските функционери ќе ги продолжат разговорите следната седмица врз основа на изнесените предлози. Европската комисија ги изнесе предлозите за ограничување на пристапот на Русија до европските финансиски пазари, како и одбранбената и енергетската технологија.
Европскиот извор на Итар-Тасс, пак, рекол дека со цел да се избегне новото несогласување и поделби меѓу земјите на Европската унија во врска со воведувањето поостри санкции врз Русија, за што Брисел е притискан од Вашингтон, Херман ван Ромпуј „предложил да се „суспендира можноста на Русија да и бидат доставување нови технологии, но не во целиот енергетски сектор, туку само во областа на испораката на нафта“.
„Така, пристапот до технологиите во гасната сфера нема да потпадне под санкции. Што ќе го отстрани еден од главните проблеми во процесот на одобрување (на новиот пакет санкции)“, рекол соговорникот на руската новинска агенција.
Во четвртокот во Брисел беше одлучено да бидат заострени санкциите и тоа со додавање на ткн „црна листа“ на 15 личности и 19 правни субјекти за наводно помагање на проруските бунтовници во источна Украина кои не ја признаваат новата прозападна власт во Киев која дојде со февруарскиот преврат со кој беше соборен претседателот Викто Јанукович, рекол дипломатски извор за AFP.
Начелната одлука за новите санкции ја донесоа претседателите на државите и владите на земјите членки на ЕУ на вонредната седмица на 16-ти јули, како казна за Москва за отсуство, според Брисел, на руска соработка во поглед на смирувањето на ситуацијата во Украина.
Досега на листата беа 72 Руси и Украинци, ак кои две компании со седиште на Крим, црноморскиот полуостров каде што 58 отсто од населението се Руси кои во март одржа референдум за враќање на автономијата укината од страна на Киев на почетокот од 1990-те и за приклучување кон Руската Федерација, што Западот го смета за руско анектирање на украинска територија.
Челниците на ЕУ ја донесоа оваа одлука ден пред падот на малезискиот патнички авион со 298 патници и членови на екипажот во источна Украина, 60-ина километри од границата со Русија, во областа на Донецк којашто ја контролираат проруските бунтовници. Иако досега не е објавени никаков доказ или сведоштво, САД , па потоа и ЕУ веднаш за оваа трагедија ја обвинуваат Русија дека е инволвирана на некој начин во неговото наводно соборување.
И според податоци на руската агенција Итар-Тасс, исто така, пакетот санкции подготвен од Европската комисија, вклучува времено ограничување на достапот на Русија до одредени видови финансиски и банкарски услуги, склучување нови договори во сферата на одбраната и продажба на технологии со двојна намена, иновациски технологии, како и забрана за продажба на нови технологии и хај-тек опрема во сферата на производството и испораката на нафта и гас. Во меѓувреме токму санкционирањето на сферата на гасот предизвика бројни приговори на последното заседание на Комитетот на ЕУ на ниво на постојани претставници на земјите членки, бидејќи многу од нив се многу зависни од испораките на рускиот гас, а на ниво на целата Унија тоа се движи од најмалку третина од севкупните потреби.
Како што претходно беше објавено постојаните претставници на 28-те земји членки на ЕУ од Европската комисија побараа да се разработи законска рамка за воведување на насочените секторски санкции против Русија. Оваа одлука амбасадорите на земјите во ЕУ ја донесоа по двете сесии во четвртокот и петокот, по препорака на ЕК по уривањето на малезискиот „Boeing 777“ во Украина.
Се очекува дека предлогот за насочените секторски санкции на ЕУ против Москва ќе биде изготвен од страна на Европската комисија до вторник, 29-ти јули, изјави во петокот Маја Коцијанчич, портпаролката на високата претставничка на ЕУ за заедничка надворешна и безбедносна политика, Кетрин Ештон.
Според на, привично предложените од ЕК и одобрени од Советот на ЕУ санкции против Русија се однесуваат на достапноста на „пазарите на капиталот,вооружувањето, производите за двојна намена и чувствителните технологии за енергетскиот сектор“.
Следниот состанок на Комитетот на ЕУ на ниво на постојани претставници ќе се одржи во понеделник, 28-ми јули, на кој главен акцент ќе биде ставен на разгледувањето на стратегијата за непризнавањето на влегувањето на Крим во составот на Русија, којашто резултира со донесените трговски, финансиски и визни и транспортни ограничување на ЕУ во однос на Крим/крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.