Европа
ЕУ ги објави имињата на осум Руси и три компании под санкции
Европската комисија ги објави имињата на осум Руси, меѓу кои се и блиски соработници на претседателот Владимир Путин, како и на три компании на кои им се замрзнуваат активите кои евентуално ги имаат во Европската унија, во согласност со одлуката за воведување санкции во врска со украинската криза.
На списокот е и Аркадиј Ротенберг, долгогодишен партнер на рускиот претседател Владимир Путин во џудо кој воедно е и носител на „црн појас“ во оваа боречка вештина, Ротенберг уште во март беше ставен на американската „црна листа“. Тој е претседател на управниот совет на банката „Северен поморски пат“. На удар на европските санкции се најдоа и Јуриј Ковалчук и Николај Шамалов, двајцата најголеми акционери во „Руска банка“ од Санкт Петербург, за која Reuters пишува дека брзо се проширила откако Путин во 2000 година се пресели во Москва кога и стана првпат претседател на Руската Федерација, а Западот ја смета за „лична банка“ на високи руски фунцкионери.Меѓу компаниите кои се ставени под санкциите на Брисел е и „Руска национална банка“, првата руска банка која отвори филијала на црноморскиот полуостров Крим чие руско мнозинско население во март изгласа преку референдум враќање на автономијата укината на почетокот од 1990-те со осамостојувањето на Украина, и се присоедини кон Руската Федерација, што Западот го смета за руско анектирање на украинска територија.Другите две компании на европскиот список се производителот на противвоздушни вооружувања „Алмаз-антеј“ и авиопревозникот „Доброљот“ кој лета од Москва за Симперофол на Крим. Оваа компанија е во редот нискобужетни авиопревозници, и е компанија ќерка на „Аерофлот“, се наведува во Службениот весник а Европската унија, со што всушност се објавува дека санкциите ќе стапат на сила од петок.Руската агенција РИА Новости објави дека под санкции е и првиот заменик на шефот на кабинетот на рускиот претседател, Алексеј Громов и претприемачот Константин Малофеев кој според обвинувањата од Киев ги финансира проруските бунтовници во источна Украина. На листата се и челникот на кримското министерство за внатрешни работи Сергеј Абисов, претседателот на Врховниот совет на самопрогласената Народна Република Донецк, Борис Литвинов и портпаролката на Народна Република Луганск, Оксана Чигрина. Со новиот список на лица и компании на кои се однесуваат европските забрани за патувања и замрзнување на нивните средства, вкупно се санкционирани 95 физички и 23 правни субјекти во Русија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.