Контакт

Европа

ЕУ ги продолжува санкциите за Русија, Грција против нови мерки

Објавено пред

Министрите за надворешни работи на земјите членки на Европската унија ги продолжија во четвртокот на вонредната средба во Брисел досегашните санкции против Русија за уште шест месеци, наместо најавеното воведување нови казнени мерки, и побараа проширување на личностите кои се под санкции, а Грција најави дека би можела да се спротистави на новите мерки.

dobivaj vesti na viber

Постојните санкции за Русија и лицата кои ги водат бунтовниците во Украина остануваат на сила до септември, а Европската комисија и европската дипломатска служба имаат десет дена да ги подготват предлозите за проширување на листата коишто се сметаат да за одговорни за ескалацијата на конфликтот во источна Украина.

Според германскиот министер за надворешни работи, Франк-Валтер Штајнмаер, одлучено е листата со санкционирани физички лица да биде проширена со припадници на силите на одметнатите рускојазични самопрогласени ткн народни републики во Донецк и во Луганск, кои не ги признаваат прозападните власти во Киев.

Во заклучоците на Советот за надворешни работи се осудува „неселективното гранатирање на станбени зони, особено на Мариупол и ескалација на борбите во областите на Донецк и Луганс“. „Советот е шокиран од бројот на жртвите“, се додава во заклучоците на министрите. Се додава дека „ги примиле на знаење доказите за континуираната и се’ поголема поддршка на Русија на бунтовниците во источна Украина“, што Москва упорно го негира и бара да бидат објавени доказите за таквите тврдења.

„Советот очекува од Русија да го искористи своето влијание и да ги наговори бунтовниците без одложување да ги сопрат нападите и во целост да ги исполнат обврските преземени со договорот од Минск“, се наведува во заклучоците.

Според шефицата на европската дипломатија, Федерика Могерини, ситуацијата во Украина и прашањето за новите можни санкции на Европската унија против Русија поради нејзината наводна улога во соседната држава, ќе биде дискутирано на 12-ти февруари на самитот на шефовите на држави и влади, објави Унијата.

„Советот на ЕУ (шефовите на дипломатиите) ги подржува сите дипломатски напори за решавање на конфликтот во Украина, вклучително оние кои се направени во последен момент“, додала Могерини.

Могерини, исто така, додала дека министрите за надворешни работи на 28-те земји членки на ЕУ на итната средба не ја разгледувале одлуката на украинската Врховна Рада (парламентот) да ја прогласи Русија за „држава агресор“.

Шефицата на европската дипломатија, покрај тоа, рекла дека позицијата на Грција во однос на одлуката на министрите за надворешни работи „била конструктивна“, се наведува на ресурсите на ЕУ.

За хрватската новинска агенција Hina, хрватската министерка за надворешни и европски работи Весна Пусиќ била поконкретна и рекла дека заклучоците „се донесени со консензус, што значи дека зад нив беше и Грција“.

Од друга страна новиот грчки министер за надворешни работи, Никос Коциас, изјави за медиумите по завршувањето на состанокот дека неговата земја „се согласила со продолжување на постојните санкции, но дека не се откажува од правото на вето при носење на одлуките за натамошните санкции“ и додаде дека бил направен обид врз Русија да се стави директната одговорност за ситуацијата во Украина, пренесе каналот на ЕУ.

Според Никос Коциас, Грција побарала од заклучоците да биде отстранет делот за воведување нови санкции. „Доколку ги споредите двата текста, ќе увидете дека постои разлика“, рече новиот шеф на грчката дипломатија, „Во текстот нема збор за директната одговорност на Русија. Имаше предлог за воведување нови санкции против Русија. Повеќе министри зборуваа два, три, па и четири пати. Реченицата, во којашто беа вклучени новите санкции против Русија, исчезна, Ние објаснивме дека санкциите не носат резултати“, додаде.

Според Коциас, санкциите против Иран, Ирак, Куба и сега Русија не даваат резултати. „Грчката делегација изјави дека или таа фраза ќе биде отстранета, или не можеме да ја продолжиме работата. На крајот усогласивме коминике, кое не зборува за воведување нови санкции против Русија. Тоа што тоа го дава е продолжување на претходно донесените санкции кои истекуваат во март“, рече Коциас.

„Два часа битка“, така грчкиот министер ја оцени дискусијата на министрите за надворешни работи на земјите од ЕУ.

Коциас истакна дека ЕУ треба да започне дијалог со Русија, а не да воведува нови санкции против неа. Повтори дека санкциите никогаш немале успех и како пример ја наведе Куба, и рече дека Могерини денес го поканува кубанскиот шеф на дипломатијата да го посети Брисел.

Рече и дека санкциите создале економски проблеми за Грција. Одговарајќи на прашањата на новинарите, Коциас кажа дека неговиот став не се заснова на идеолошките позиции, имено тој доаѓа од коалицијата на грчката радикална левица Сириза, којашто убедливо победи на неделните парламентарни избори. „како Грк, јас ги штитам интересите на Грција и на Европскиот сојуз“, рече.

„Ние сме против тоа санкциите да се воведат сега“, појасни Коциас. „Зошто некои сметаат дека Грција ќе биде подобра земја доколку прифаќа се’?“, запраша. Пред новинарите рече дека европските правила мора да се почитуваат, што не било сторено претходно при подготовката на нацрт-заклучоците, алудирајќи на забелешките на Атина дека не била консултирана .

Петходно во четвртокот, новиот грчки министер за финансии, Јанис Варуфакис, ги отфрли тврдењата дека пораките кои доаѓаат од Атина во врска со соопштението на Европската унија во кое се содржат закани за можно воведување нови санкции против Русија, односно за соопштението од Брисел дека министрите за надворешни работи едногласно се изјасниле за воведување нови санкции за Москва, а притоа неговиот коле Коциас и Грција воопшто не биле консултирани.

„Мојата работа е да преговарам и да ги штитам интересите на Грција и на Европската унија“, повтори на крајот Коциас./крај/мф/сн

Извор: Макфакс

Европа

Возачот на „Фликсбас“ осомничен за убиство од небрежност во Германија

Објавено пред

Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.

dobivaj vesti na viber

Портпаролот на канцеларијата не можеше да каже дали мажот (62) веќе бил сослушан.

Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.

Не се соопштени детали за здравствената состојба на повредените.

Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.

Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.

Идентитетот на четворицата загинати се уште не беше утврден до четвртокот напладне.

„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.

Автобусот патувал од Берлин до Цирих.

Прикажи повеќе...

Европа

(Аудио) Кралот Чарлс ја испрати првата јавна порака по дијагнозата на здравјето на Кејт

Објавено пред

Порака од кралот Чарлс беше емитувана денеска по повод годишната служба на Величетврток.

dobivaj vesti na viber

Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.

Тој им порача на сите „да ја подадат раката на пријателството“.

„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.

„Тоа е она што секогаш се трудев да го правам и правам со целото мое срце“, додаде тој.

Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.

Прикажи повеќе...

Европа

Заменик-началникот на генералштабот: Британија може да се бори со Русија само 2 месеца

Објавено пред

Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.

dobivaj vesti na viber

Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.

За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.

„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.

На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.

„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.

Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.

Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.

Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.

„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.

Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.

„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.

Сепак, тој предупреди дека „основното војување и муницијата“ остануваат важни во секој иден конфликт.

Прикажи повеќе...

Најново

Македонија55 минути

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија1 час

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија3 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија4 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија5 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија7 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ8 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија8 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија8 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија11 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет11 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет11 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија12 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион12 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет12 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет12 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...