Европа
ЕУ ги заостри санкциите за С.Кореја а ги продолжи за Сирија
Европската унија ги заостри во петокот санкциите воведени против Северна Кореја и ги продолжи таквите рестриктивни мерки во однос на Сирија.
„Имајќи предвид дека постапките (на Северна Кореја) се сериозна закана за меѓународниот мир и безбедноста во регионот, Европската унија одлучи да ги прошири своите рестриктивни мерки“, објави Советот на ЕУ, пренесува Reuters.
Северна Кореја го изведе на 6-ти јануари четвртиот нуклеарен тест а на 7-ми февруари лансираше сателит со ракета за којашто САД тврдат дека е забранет балистичка ракета.
Северна Кореја не смее да продава производи од нафта и луксузни стоки, какви и што не произведува, а европските земји не смеат да вложуваат во рударството, рафинериите и во хемиската индустрија во оваа земја. Забранета е и финансиска поддршка за тргување во Северна Кореја и повеќе видови финансиски трансфери. Свернокорејските авиони и бродови, исто така, нема да смеат да влегуваат на европска територија, се прецизира во извештајот на агенцијата DPA..
Со европските санкции сега се опфатени вкупно 66 лица и 42 компании од Северна Кореја.
Министрите за надворешни работи од земјите членки на ЕУ последните години неколкупати го заоструваа санкциите за Северна Кореја замрзнувајќи ги нејзините капитали и забранувајќи финансирање и овозможување финансиски трансакции. Државите членки не можат да извезуваат оружје ниту метали кои се користат во балистичките системи, како ниту злато, дијаманти и луксузни стоки.
Меѓутоа, влијанието на новите мерки веројатно ќе биде ограничено, бидејќи тргувањето меѓу ЕУ и северна Кореја паднала на само 34 милиони евра во 2014 година од повеќе од 300 милиони евра пред десет години.
Германија и Шведска не сакаат сосема да ја изолираат оваа сиромашна комунистичка земја. Одржуваат дипломатски односи од 1970-те години и испраќаат хуманитарна помош.
Обединетите нации воведоа во март досега најстроги санкции против Северна Кореја во последните 20 години. Европските мерки, како што се вели во соопштението на Советот на ЕУ, ги „надополнуваат и јакнат“ санкциите на ОН.
ЕУ, исто така, во петокот ги продолжи за уште една година, до 1-ви јуни 2017 година, санкциите против владата на сирискиот претседател Башар ал-Асад, вклучително и ембарго на нафтата и замрзнување на капиталот на сириската централна банка во Европа, пренесува AFP. Санкциите ќе останат на сила „сé додека трае репресијата“, соопшти Советот на ЕУ.
Европските санкции го вклучуваат нафтеното ембарго, рестрикциите на некои видови вложувања, замрзнувањето на имотите и пласманите на сириската централна банка во земјите од ЕУ и ограничување на извозот на опрема и технологии кои можат да се користат во репресија. Тоа се однесува и на опремата за надзор или пресретнување на интернет или телефонските разговори.
Санкциите на ЕУ се однесуваат на повеќе од 200 луѓе и 70 компании во Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.