Европа
ЕУ не воведува економски санкции против Русија
Челниците на земјите членки на Европската унија одлучија на средбата на врвот во Брисел ноќта кон четвртокот, дека ќе ги зајакнат рестриктивните мерки против Русија, но како и што се очекуваше, без да воведат економски санкции.
„Европскиот совет се согласи да ги прошири рестриктивните мерки кон насочени ентитети, вклучително и Руската Федерација, кои материјално или финансиски ги поткрепуваат акциите кои ги поткопуваат или загрозуваат украинскиот суверенитет, територијалниот интегритет и независноста“, се наведува во заклучоците кои ги усвоија челниците на 28-те земји членки на Европската унија.Листата со споменатите ентитети е биде утврдена до крајот на јули, пренесе AFP. Челниците на ЕУ побараа од Европската инвестициска банка да не склучува нови финансиски аранжмани во Русија, а во рамките на Европската банка за обнова и развој (EBRD) земјите членки ќе дејствуваат координирано за да ги прекинат новите финансиски операции во Русија. Ова се смета за заострување на рестриктивните мерки против Москва којашто западот ја обвинува за украинската криза, бидејќи ЕУ досега забрануваше издавање визи и ги замрзна активите на 72 руски и украински проруски функционери.Пред одржувањето на самитот на ЕУ, според различни дипломатски извори, нови економски европски санкции против Русија беа многу можни под притисок на САД, но исто така некои дипломати сметаа дека европските челници нема да постигнат единство за заострување на насочените санкции на ЕУ против рускиот економски и финансиски сектор. ЕУ сѐ уште се воздржува од воведување опсежни економски санкции против Русија, во прв ред бидејќи би биле погодени интересите на повеќе земји членки.Премиерот на Италија, земја којашто претседава со Европската унија, Матео Ренци, говорејќи за украинската криза пред пратениците од неговата партија во вторникот навечер, предложи да се отфрлат повиците за нова Студена војна и истакна дека Европа не треба да се гради наспроти Русија.Франција, Германија, Луксембург, Австрија, Бугарија, Грција, Кипар, Словенија и претседавачот Италија, не гледаат причини во сегашната ситуација да се воведат насочени секторски трговски и економски санкции против Русија и на самитот, ќе истапат против оваа мерка, изјави во вторникот неименуван западноевропски дипломат за руската новинска агенција Итар-Тасс.Меѓутоа, непосредно пред почетокот на самитот во Брисел, Белата куќа објави дека американскиот потпретседател Џозеф Бајден во вторникот доцна вечерта имал телефонски разговор со грчкиот премиер Андонис Самарас и од него добил поддршка за остар став по прашањето за новите насочени санкции против Русија.САД, кои инаку имаат мал обем на трговска размена со Русија, многу поактивно се залагаат за заострување на санкциите отколку што за тоа се расположени европските земји кои имаат далеку поголема економска поврзаност па дури и енергетска зависност од Москва. Портпаролот на Белата куќа, Џош Ернест, пак, одби во вторникот да ги коментира информациите дека САД го засилуваат притисокот врз Европската унија со барање за заострување на санкциите против Русија, во врска со украинската криза. Претходно агенцијата Bloomberg пишуваше дека во понеделникот во Белата куќа се одржала затворена средба на претставниците на администрацијата на американскиот претседател Барак Обама со амбасадорите на земјите членки на Европската унија на којашто било барано Брисел да воведе нови санкции против Русија, при што била упатена закана дека во спротивно ќе биде дејствувано еднострано и ќе бидат воведени санкции против финансискиот и одбранбениот сектор на руската економија, од што штети би можеле да претрпат и некои европски сојузници на САД./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.