Европа
ЕУ во петок ќе одлучува за привремено суспендирање на Шенгенскиот договор
Европските министри во петок ќе разговараат околу суспендирањето на Шенгенскиот договор на две години, врз основа на тоа што мигрантската криза на површина изнела „сериозни недостатоци“ на грчката граница кои и се закануваат на целата Шенген зона, пишува FT.
Европските министри во петок ќе разговараат околу суспендирањето на Шенгенскиот договор на две години, врз основа на тоа што мигрантската криза на површина изнела „сериозни недостатоци“ на грчката граница кои и се закануваат на целата Шенген зона, пишува FT.
Оваа најдрастична мерка која е предвидена во Шенгенскиот договор потенцира како 20-годишниот проект сега се наоѓа под огромна закана поради политичките притисоци од влегувањето на најмалку 1,2 милиони бегалци годинава во Унијата.
Опцијата за повлекувањето на „членот 26“ ќе се најде на маса пред министрите за внатрешни работи на земјите членки на ЕУ, и е подготвена во документ од страна на Луксембург, кој во моментов е претседавач со Унијата, додава FT. Доколку министрите го поддржат овој предлог, тогаш Европската комисија (ЕК) ќе може да предложи затворање на една или повеќе внатрешни граници во Шенген зоната, во период до две години.
Во практика ова би значело дека привремените гранични контроли кои летото беа воведени меѓу земји како што се Германија и Австрија сега би останале на долг рок, оштетувајќи го движењето без пасоши. Предлогот доаѓа откако ЕУ во повеќе наврати ја предупреди Грција да го подобри својот одговорот на миграциската криза и да побара помош, или пак во спротивно би се соочила со суспензија од Шенген зоната.
Документот на Луксембург оди пак уште подалеку, односно не само што овие предупредувања ги упатува до Грција, туку и до повеќе земји членки. Ова би им дозволило на земји како што се Германија, Австрија, Франција и Шведска да ги засилат и продолжат привремените гранични рестрикции кои ги применуваат, а кои се одобрени од страна на Комисијата.
Втората предност од суспендирањето на Шенген зоната е наметнувањето на граничните контроли. Можноста за да се суспендира индивидуална земја членка, пак, бара проценка и процес кој би траел најмалку три месеца.
Грција нема копнени граници со останатите земји од Шенген зоната, така што нејзината суспензија од зоната на слободното движење најверојатно нема да го намали приливот на мигранти, но ќе влијае врз грчките патници кои го користат воздушниот сообраќај. FT додава дека со ова претставници на ЕУ признаваат дека заканите пред се за да го мотивираат грчкиот премиер Алексис Ципрас и неговата влада целосно да ја прифатат поддршката од ЕУ за справување со бегалската криза./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германија уапси две лица: соработувале со Русите, планирале да ја саботираат армијата
Две лица, кои освен германско државјанство имаат и руско државјанство, се уапсени во Германија поради наводно планирање саботирање на воени објекти, вклучително и американски, со цел да ја поткопаат воената поддршка за Украина, соопшти денеска германското обвинителство. Властите извршија претрес во домовите и работните места на двајцата осомничени, кои се обвинети дека работеле за странска тајна служба, се наведува во соопштението на обвинителството.
Еден од осомничените, идентификуван како Дитер С., разговарал за можни заговори со лице поврзано со руската тајна служба од октомври 2023 година, се посочува во соопштението.
Дитер С. подготвувал бомбашки напади и палење во воени објекти, вклучително и оние со кои управуваат американските сили, се додава во соопштението.
Според магазинот „Шпигел“, еден од објектите е воената база „Графенвоер“ во јужната сојузна држава Баварија, каде што украинските војници се обучуваат да управуваат со американските тенкови „Абрамс“. Руската амбасада во Берлин не одговори веднаш на барањето за коментар.
„Намерата на акциите беше да се поткопа воената поддршка што Германија и ја дава на Украина против руската воена агресија“, се вели во соопштението на германските обвинители.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.