Европа
Евакуирано туристичко место по намерно предизвикан пожар во Шпанија
Пожарот што во неделата изби кај медитеранскиот ресорт Хавеа, во близина на брегот кај популарното туристичко место Бенидорм, уништи 320 хекрати земјиште и неколку градби, сооштија службите за спасување.
Пожарот што во неделата изби кај медитеранскиот ресорт Хавеа, во близина на брегот кај популарното туристичко место Бенидорм, уништи 320 хекрати земјиште и неколку градби, сооштија службите за спасување.
Надлежните веруваат дека пожарот е намерно предизвикан затоа што во исто време почнал на неколку места.„Ова е тероризам врз животната средина, и не само што го уништува природното богатство, туку е директен напад врз луѓето“, вели шефот на регионалната влада Чимо Пуиг.„1.400 луѓе се евакуирани“, напиша на твитер Хуан Карлос Морахес, претставник на шпанската влада во источниот регион на Валенсија.Многу од евакуираните се сместени во училишта, а жителите на Хавеа се понудија да се сместат некои од луѓето и да им дадат храна и вода, вели Марија дел Пилар Замора, градски советник.Телевизијата Антена 3 извести дека неколку куќи се потполно уништени.До понеделник вечерта пожарот беше спречен да се шири понатаму, соопшти портпаролот на службите за итна реакција.„Ситуацијата повеќе не е загрижувачка, го сопреа пожарот“’, вели таа и додава дека пожарникарите продолжиле да работат и во текот на ноќта.Според пожарникарите огнот брзо се ширел и поради временските услови, карактеризирани со високи температури и ниска влажност на воздухот. Поголем дел од Шпанија во понеделник вечер беше под закана од пожари поради високите температури кои достигнуваа и повеќе од 40 степени Целзиусови.Министерството за внатрешни работи предупреди дека високите температури ќе продолжат до среда, и ги предупреди луѓето да не фрлаат опушоци од цигари во природа, како и стаклени шишиња.„Негрижата ги предизвикува поголемиот број пожари“, стои во изјавата.Шпанија постојано страда од пожари во летниот период, но во 2016 година забележан е пад на бројот на пожари. Според министерството за земјоделство 39.700 хекрати шума се уништени од пожар од јануари до август годинава. Просекот за тој период од 2006 година е 78.743 хектари./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.