Европа
Франција е шпионирана и шпионира
Франција, којашто била цел на американското шпионирање според неодамна објавените документи на WikiLeaks, и самата ги шпионира комуникациите меѓу Европа и остатокот од светото, пишува во средата францускиот неделник L’Obs.
На почетокот од 2008 година, тогашниот француски претседател Николас Саркози кој како и неговиот претходник и наследник на функцијата според доверливите документи бил шпиониран од американската Агенција за национална безбедност (NSA), им дозволил на тајните служби на Генералната дирекција за надворешна безбедност (DGSE) да постојат тајни станици на францускиот брег поради прислушување на подморските кабли, пишува L’Obs цитирајќи „неименувани сведоштва на неколку сегашни и тогашни функционери“.
Следниот претседател Франсоа Оланд, избран во 2012 година, потоа ѝ дозволил на DGSE своите операции да ги прошири, и ја легализирал дискретно таа практика преку сосема новиот закон за разузнавањето усвоен на 24-ти јуни, открива L’Obs.
Планот во износ од 700 милиони евра на пет години, од 2008 до 2013 година, го покренала тајната служба поради инсталирање на станиците за пресретнување на каблите по нивното излегување на територијата на Франција, особено кај Марсеј, Пенмарше во Бретања и Сен-Валеру-ан-Коз во Горна Нормандија, се вели во написот.
Тие прислушувања биле спроведувани со учество и на неколку големи француски компании. „Најмалку пет големи кабли се поставени за прислушување во текот на споменатиот период со помош на операторот Orange и компанијата Alcatel-Lucent, кон САД, Индија, Јужна Азија и Западна африка“, наведува весникот./крај/мф/сн
Извор: L'Obs
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.