Европа
Франција ја истражува кражбата на ескплозиви од армијата
Министерството за одбрана на Франција нареди безбедносни проверки во сите армиски бази откако крадци ограбиле база на југот на Франција, при што се земени и многу детонатори.
Министерството за одбрана на Франција нареди безбедносни проверки во сите армиски бази откако крадци ограбиле база на југот на Франција, при што се земени и многу детонатори.
Кражбата доаѓа во време кога Франција е на високо ниво на претпазливост за терористички напади.Оружјето е украдено од база во Мирамас во Прованс, јави радиото Europe 1.Провалата најверојатно се случила во неделата ноќта, а крадците ја исекле жичаната ограда и влегле внатре.Украле 190 детонатори, како и пластичен експлозив, но и 40 гранати.Истражителите се уште проведруваат дали има украдено и друго оружје.По молкот од министерството за одбрана, подоцна во вторник рекоа дека ќе направат детални проверки во сите армиски бази за да се утврди дали и на друго место недостасува оружје.Деталите за кражбата им се соопштени на владата и францускиот претседател, кои треба да бидат загрижени за ваквата состојвба имајќи ги предвид нападите во Париз од јануари годинава.Додека истражителите се фокусираат на организиран криминал, сепак не ја исклучуваат можноста крадци да се и потенцијални терористи.Базата која се користи како логистички центар се користи и како магацин за оружје кое го користат француските војници во странски операции.Нема камери околу оградата на базата, кои би помогнале во откривање на крадците.Градоначалникот на Мирамас, Фредерик Вигоро е многу загрижен.„Ова е добро чувана и сигурна касарна. Сите државни сервиси се на штрек“, додава тој.Франција е на зголемено ниво на безбедност од пред шест месеци, кога во нападите во Париз беа убиени 17 луѓе, вклучително и 12 новинари на сатиричниот магазин Charlie Hebdo.Земјата е високо на листата на џихадистите од исламска држава.Во последниот напад во Франција, 35-годишен маж поврзан со Исламска држава во Сирија го обезглави својот шеф во фабрика за гас во Лион, кога со комбе полно со плински боци удри во магацин, по што експлодира./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.