Европа
Француските работодавачи ги критикуваат измените на предлог законот за труд
Најголемото здружение на француските работодавачи го критикуваше нацрт законот за труд, сметајќи дека промените кои се внесени за да се намали отпорот на синдикатите се толку комплицирани што нема да доведат до нови работни места.
Идејата на социјалистичката влада на претседателот Франсоа Оланд, кој има историски најлош рејтинг, е десет месеци пред новите претседателски избори да го олесни вработувањето и отпуштањето за да ја намали големата за француски услови невработеност.
Предлог законот идната седмица ќе биде ставен последен пат на гласање во долниот дом на француското Национално собрание и покрај силниот отпор на тврдолинијашките синдикати кои сметаат дека тој предлог ја фаворизира позицијата на работодавачите на кои им овозможува да ги заобиколуваат законите и полесно да ги отпуштаат вработените.
Здружението на работодавачите Medef ги изнесе своите критики во четвртокот вечерта неколку часа откако синдикатите ги одбија последните владини обиди да го измени предлог законот кој им дава повеќе моќ на компаниите во одредување на висината на платата и работните услови. Синдикатите сметат дека таквите промени во предлогот се недоволни.
„Овој закон нема да стори ништо околу невработеноста“, изјави Пјер Гатаз, претседателот на Medef, и додаде дека законот „само ги прави работите уште покомплексни и повеќе никој не го разбира“.
„Проблемот на Франција е што мораме да ги намалуваме трошоците на трудот и големите даноци, и треба да го направиме животот полесен за нашите мали и средни компании“, заклучи Гатаз.
Претседателот Оланд со синдикатите веќе четири месеци е во понекогаш насилни судири околу предлог законот кој внесе силен раздори и меѓу неговите владејачки социјалисти.
Измените на предлогот кои владата ги предложи во средата, набрзо во четвртокот беа отфрлени ако недоволни за одржување на стандардот за заштита на работниците.
„Владата остана глува за нашите предлози“, соопшти во четвртокот CGT во заедничката изјава со уште шест други синдикати. „Ова ќе се заврши на улица“, изјави за весникот Le Parisien Филип Мартинез, претседателот на CGT, еден од најголемите француски сојузи на синдикати.
На долготрајните протести на улиците ширум Франција забележливо е опаѓањето на масовноста, но и натаму постои големо противење на реформите.
Оланд и неговата влада одбиваат да се откажат од предлог законот кој реформите кој ја подели Социјалистичката партија на традиционалните левичари и сојузниците на претседателот Оланд, кои се наклонети на реформите. Владата беше затоа принудена да ги протурка предлог законот со указ во долниот дом на парламентот низ уставниот член познат како 49:3.
Оланд најави дека истото ќе го повтори во Националното собрание при повторното читање на законот на 5-ти јули, доколку дисидентите меѓу социјалистичките пратеници и натаму даваат отпор на реформите.
„Да нема сомневања околу тоа. Законот ќе биде изгласан и потпишан на време. Ни сакал да видам мнозинска поддршка. Доколку тоа не се случи, повторно ќе прибегнеме кон членот 49:3“, изјави Оланд за весникот Les Echos./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.