Европа
Германија ја смета Турција помагач на исламистичките терористи
Германската влада гледа на Турција како на платформа за поддршка на исламистичките и терористичките групи на Блискиот исток, произлегува од доверливиот документ на владата во Берлин кој го објави јавниот сервис ARD во вторникот.
„Соработката со исламистичките и терористички организации на Блискиот и на Средниот исток веќе повеќе години е свесна насока на турската надворешна политика која претседателот Реџеп Тајип Ердоган свесно ја поддржува“, се наведува во документот на Сојузната влада којшто се заснова на информациите добиени од Германската разузнавачkа служба (BND).
„Многубројните изјави на солидарност и конкретните акти на помош на египетските Муслимански браќа, палестинскиот Хамас како и многубројните вооружени исламистички групи во Сирија кои доаѓаат од страна на владејачката Партија на правдата и развојот (AKP) и нејзиниот претседател Ердоган, ја подвлекуваат идеолошката наклонетост кон Муслиманските браќа“, се наведува во одговорот упатен до пратеничката група на партијата Левица во германскиот Буднестаг (парламентот), која од владата барала изјаснување за политиката кон Турција.
Германската влада во овој документ првпат власта на турскиот претседател Ердоган ја доведува директно во блиска воза со една терористичка организација како што е палестинското исламистички движење Хамас која во Европската унија како таква се води од 2003 година.
„Како последица на постапната исламизација на турската внатрешна и надворешна политика, особено по изборите во 2011 година, Турција се развила во платформа за дејствување на исламистичките групи на Блискиот и на Средниот исток“, се наведува во доверливиот документ на владата на Германија.
Документот не бил наменет за јавно објавување поради „чувствителната содржина“. Партијата Левица на владата на канцеларката Ангела Меркел ѝ префрла за дволичност во политиката кон Турција која ја карактеризира обидот да се задржат добрите односи поради договорот на Европската унија со Анкара околу бегалците и карактеризирањето на Турција како авторитарна држава која негува контакти со исламистичките терористички организации, од друга страна.
Односите меѓу Германија и Турција се извонредно напнати последните месеци откако германските пратеници изгласаа декларација со којашто масакрите над Ерменците во Османлиската империја од Првата светска војна го карактеризираше како геноцид, што ја разгневи Анкара, и потоа и поради отворените критики од голем дел на германската јавност на сметка на турскиот претседател Ердоган. Истовремено на турската влада ѝ се префрла поради справувањето со движењето на исламскиот клерик Фетулах Ѓулен по неуспешниот обид за воен преврат од 15-ти јули и обидот да се влијае врз турската заедница во Германија којашто брои над три милиони граѓани./крај/мф/сн
Извор: DP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.