Европа
Германија: Мајката призна дека ги убила осумте бебиња
Мајката на осумте бебиња кои беа најдени мртви во куќа во мал град во германската покраина Баварија, призна, во вторник, преку своите адвокати дека ги убила бебињата.
Жената признала на суд дека ги завиткувала бебињата во крпи за бришење раце и потоа ги сокривала на различни места низ куќата, без разлика дали биле родени живи или мртви. Прашан, колку од убиените осум бебиња, признала мајката, бранителот Тил Ваглер вели, „Може да се две, три или четири“.Кога осумте тела на бебињата беа откриени во куќата во малиот град Валенфелс, кој има само 2.800 жители, Баварија беше шокирана од злосторството. Истрагата ги поврза Андреа Г. 45 и нејзиниот сопруг Јохан Г, 55, кој веќе ја напуштил куќата, дека се родители на бебињата, а кои веќе имале деца и живееле во куќата претходно.Се верува дека бебињата биле родени меѓу 2003 и 2013 година, а најмалку четири од нив биле родени живи, според Süddeutsche Zeitung. Медицинските иследници не можат да утврдат за три од бебињата дали биле живи при породувањето, а едното сигурно било живо.Во признанието, прочитано од нејзиниот адвокат, мајката вели дека ги родила сите осум бебиња сама дома и ги завиткувала во крпи за раце. Потоа ди загушувала бебињата се додека мрдале и плачеле, а полицијата ги најде телата пакувани во пластични кеси скриени низ домот, вели Ваглер. Сведочејќи во вторникот, Јохан Г. ја опиша мајката како хронична лажга и компусливен купувач. Која крадела од својата мајка и од своите деца.Тој се отселил од куќата во октомври, еден месец пред полицијата да ги открие останките од бебињата откако биле алармирани од сосед.Јохан Г. е обвинет за соучесништво во убиствата на бебињата, иако се верува дека тој не бил присутен во куќата кога тие се раѓале. Сепак, обивинителите тврдат дека тој бил свесен за бременостите на жената и дека знаел и одобрувал таа да ги убие.Не презел ништи за да ги спречи убиствата. „Со неговата неактивност, ја охрабрувал обвинетата Андреа Г., за сите случаи“, велат обвинителите.Обвинителството тврди и дека родителите се однесувале во склад со „сексуален егоизам, незаинтересираност и рамнодушност“ бидејќи не сакале да се ограничат во животот и да немаат повеќе деца.Двојката имале по две деца од претходен брак, а заедно имале уште три деца.„Таа сакала да остане сексуално активна без да мисли на последиците или за доброто на новородените“, велат обвинителите.Двојката продолжувала да има незаштитен секс, иако не сакале да имаат повеќе деца а не сакале да појдат на лекар и да закажат стерилизација.Андреа Г. се заљубила во друг маж и го напуштила семејството пред да бидат откриени телата на бебињата, јави SZ.Во Германија, за убиство се добива казна од 15 години затвор, а за соучесништво минимум три години затвор.Пресуда се очекува во среда.Во последните години Германија е шокирана од неколку случаи на убиства на бебиња. Во мај, жена беше осудена на 44 месеци затвор за убиство на нејзините две деца, чии останки ги чуваше во фрижидер. Во октомври 2013 година, градежници во Баварија најдоа останки од две бебиња, починати уште во 1980 години. Во 2008 година пак, 42-годишна жена беше обвинета за убиство на осум бебиња, а нивните тела ги криеше во саксии, кофи и во стари конзерви од риба./крај/мф/бб
Извор: Total
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.