Европа
Германската влада не сака ниту да чуе за користење оружје против имигрантите
Германската влада која ја предводи канцеларката Ангела Меркел, ги отфрли во понеделникот како „апсурдни“ сугестиите на челничката на сé популарната евроскептична десна партија Алтернатива за Германија (AfD) дека на полицијата би можело да ѝ се дозволи употребата на оружје против илегалните имигранти кои се обидуваат да влезат во земјата.
Коментирајќи го предлогот на Фрауке Петри, челничката на Алтернатива за Германија (AfD), Петер Алтмаер, шефот на кабинетот на канцеларката Ангела Меркел изјави дека „Тој предлог е нехуман и апсурден. AfD со тоа го покажа своето вистинско лице“. Додаде дека смета оти поради тоа ќе падне поддршката за партијата.
Во моментов AfD е на третото место според популарноста меѓу Германците, со поддршка од околу 13 отсто, зад конзервативците на Меркел и социјалдемократите кои се во владејачката коалиција. Пред Петри да ја преземе партијата, AfD во анкетите освојуваше до 3 доверба. Според аналитичарите, поддршката ја земаат токму од конзервативците од редовите на CDU на Меркел кои се незадоволни од нејзината политика на отворени граници за бегалците и имигрантите.
И портпаролот на германското министерство за внатрешни работи, исто така, во понеделникот изјави дека користењето оружје против имигрантите не доаѓа предвид.
Коментарите на Петри веднаш во неделата наидоа на осуди од левите партии и претставниците на синдикатот на полицајците во Германија, којашто минатата година прими 1,1 милиони бегалци и имигранти./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.