Европа
Германскиот Бундестаг турскиот масакр над Ерменците го прогласи за геноцид
Долниот дом на германскиот парламент Буднестагот со само еден глас против и еден воздржан изгласа во четвртокот, и покрај жестокото противење на Турција, резолуција со којашто убивањето на Ерменците од страна на турските сили пред крајот на Првата светска војна, е прогласено за геноцид.
Дискусијата и гласањето се одржа во присуство на амбасадорите на Ерменија и на Турција. Познавачите на состојбите оценуваат по усвојувањето на резолуцијата Анкара може да го повлече првиот човек на својата дипломатска мисија во Германија, и оти таквата одлука веќе е однапред донесена. Во расправата која претходеше на гласањето претседателот на Бундестагот, Норберт Ламерт од Христијанско-демократската унија (CDU) на канцеларката Ангела Меркел, тврдеше дека германскиот парламент не сака да биде ниту историска работна група, ниту суд, но и дека исто така не сака да ги избегнува чувствителната тема.„И тоа во прв ред во прашањата во коишто некогашното германско царство понесува дел од одговорноста“, изјави Ламерт алудирајќи на сојузништвото меѓу Царска Германија и Османлиското царство во текот на Првата светска војна.Анкара прифаќа дека османлиските сили убиле многу христијански Ерменци, но негира дека таа бројка изнесува милиони ипол луѓе и дека постоела организирана кампања за убивање, истребување, протерување или исламизирање на Ерменците или дека постоеле такви наредби од османлиските власти.Ерменците проценуваат дека 1,5 милион луѓе се убиени во 1915 година во самракот Османлиското царство, а многу историчари и повеќе од дваесет земји, меѓу нив Франција, Италија и Русија, признаа геноцид. Турција тврди дека станувало збор за граѓанска војна која ја следела глад, во која загинале од 300.000 до 500.000 Ерменци и исто толку Турци.Резолуцијата веројатно ќе ја разгневи Турција, еден од клучните партнери на Германија и Европската унија, во забавувањето на приливот на мигрантите во западна Европа од Блискиот исток според договорот кој Брисел и Анкара го потпишаа а чија главна иницијаторка беше германската канцеларка Меркел. Меркел не присуствуваше на седницата. Но за време на пробното гласање во парламентарната група на нејзината Унија CDU/CSU таа гласаше за резолуцијата, пренесуваат медиумите. Во вторникот турскиот претседател Реџеп Тајип Ердоган во телефонскиот разговор со канцеларката ја повика Меркле „на здрав разум“ во врска со намерите на германскиот парламент, а премиерот Бинали Јилдририм гласањето го нарече „смешно“. Документот е насловен „Спомен за геноцидот на Ерменците и другите христијански малцинства во Отоманското царство пред 101 година“. Заедничко барање за негово дискутирање и изгласување поднесоа парламентарните групи на унијата CDU/CSU, на SPD и на Зелените. Во резолуцијата се повикува германската влада да ја признае делумната одговорност на Германија за историските настани и да го признае убивањето на Ерменците во Отоманската империја за геноцид. Зборот „геноцид“ во неа се повторува четири пати.Потпретседателот на демохристијанската пратеничка група Франци Јозеф Јунг појасни дека Буднестагот не сака на Турција, која е важен партнер на Германија, да ѝ држи уроци. „Меѓу другото и поради многуте граѓани од турско потекло коишто живеат во Германија потребно да се стори се за да се соочи со минатото и за дојде до помирување“, изјави Јунг.Претседателот на партијата на Зелените, Чем Ездемир, кој е од турско потекло, ја истакна важноста на оваа резолуција за конечно да се отстранат историските неправда и да се отвори пат за помирувањето. „Не смееме да ја заборавиме ниту вината на Германија која во Првата светска војна беше партнер на Османлиското царство“, реле Ездемир.Пратеникот од партијата Левица, Грегор Гизи, рече дека е време конечно овие историски настани да се нарекуваат со вистинско име. „Тоа не било ништо друго освен геноцид над Ерменците, Арамејците и припадниците на другите христијански малцинство“, рече. Истовремено го критикуваше фактот дена на денешното гласање не присуствуваа највисоките претставници на германската влада.Извинувајќи се за зафатеност во текот на гласањето во Бундестагот, покрај Меркел не присуствуваше ниту вицеканцеларот Зигмар Габриел, ниту министерот за надворешни работи Франк-Валтер Штајнмаер./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.