Европа
Грција: Нова демократија го поддржува Ципрас, Путин ја прашува ЕК каде била досега
Главната грчка опозициска партија на десниот центар Нова Демократија во петокот објави дека ја поддржува левичарската влада на премиерот Алексис Ципрас за да се гарантира договорот со реформите во замена за пари со меѓународните доверители кој ќе ја задржи Грција во еврозоната, а рускиот претседател Владимир Путин во врска со грчката должничка криза која се закани со стабилноста на еврозоната и на самата Европска унија, ја критикуваше Европската комисија дека предолго чекала со реакциите.
Грчките пратеници во петокот треба да гласаат за предлозите на владата пред меѓународните доверители за мерките како што се зголемување на некои даноци, спроведување на приватизацијата и намалување на јавната потрошувачка во разни сектори, како обраната на пример.
Претходно во петокот на состанокот со пратеничката група премиерот Алексис Ципрас дочекан со силен аплауз од пратениците на неговата коалиција на радикалната левица Сириза, ги повика да ги поддржат новите предлози на неговата влада и да го помогнат грчкото останување во еврозоната, во обидот земјата да ја спаси од финансиски крах.
„Нова демократија на премиерот Ципрас не само што му дава одобрување да постигне договор, туку и овластување да го избегне излегувањето на земјата од Европа“, се наведува во соопштението на најголемата опозицска партија, којашто пред референдумот од 5-ти јули водеше кампања за прифаќање на предлогот на кредиторите. Меѓутоа, надмоќно победи опцијата за „не“ што ја застапуваше Ципрас, па поранешниот премиер Антонис Самарас беше принуден да поднесе оставка на челната позиција во Нова демократија.
Рускиот претседател Владимир Путин, пак, смета дека Европската комисија морала порано да реагира на ситуацијата во грчката економија, доколку биле акумулирања толку побарувања кон Атина.
„Се разбира, на Грците можно е да им се прикачи, но доколку имало неправилности во нивните активности, каде била Европската комисија? Зошто таа не преземала корекции во економските активности на поранешните влади на Грција, зошто доделувале толкави бонуси и кредити, зошто дозволувале толку ниски стапки на оданочувања во некои економски сектори, толкави субвенции за островите, каде беа досега?“, постави реторичко прашање рускиот претседател на прес-конференцијата во Уфа.
Покрај тоа, според шефот на руската држава, „кога има една голема моќна валута којашто ја користат низа земји со различни нивоа на економски развој, тие земји се лишени од можноста да ги прилагодат стоите финансии и економски состојби преку валутните механизми, и притоа е невозможно да се девалвира еврото“.
Путин, исто така, смета дека Грција во сложените услови со ЕУ, ја губи можноста да привлекува поголем број туристи, што е еден од нејзините главни економски сектори./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.