Европа
Хеферн: Постојна база на НАТО во Полска засега нема
Постојана база на НАТО во Полска нема да има во текот на 2016 година, вели во разговорот за полскиот весник Rzeczpospolita заменикот државен секретар во Стејт департмент на САД за Европа и Евроазија, Џон Хеферн.
„На Самитот на Северноатлантската алијанса во јули следната година во Варшава нема да биде донесено решение за распоредување на постојани бази на НАТО во Полска“, вели Хеферн.
Полската влада во повеќе наврати изјави дека е подготвена и оти е неопходно на територијата на земјата да бидат распоредени постојани бази на Алијансата, во атмосфера на растечката загриженост на источноевропските и блатичките земји, дел од поранешниот комунистички блок, поради наводната агресија на Русија по избувнувањето на украинската криза.
Според весникот, воздржаноста од распоредување постојани бази на НАТО во источна Европа, најмногу поради притисокот на Берлин, кој смета дека ваквиот ќе претставува провокација за Русија.
Притоа американскиот дипломат уверува дека Вашингтон ќе продолжи да ја поддржува „постојаното присуство“ во ротациите на американските единици на територијата на Полска. „Ќе бидеме присутни толку долго (во Полска), колку што ќе биде потребно“, истакнува Хеферн.
Тој, исто така, во интервјуто посочува дека САД сé уште остануваат доследни на плановите за изградба на елементи од американскиот ракетен штит на полска територија, за кои Вашингтон тврди дека е во функција на заштита на европските сојузници од можен напад од Иран.
Русија жестоко се противи на распоредување на американскиот штит во близина на нејзините граници, сметајќи дека станува збор за активност насочени во прв ред против нејзината безбедност, особено откако на 14-ти јули во Виена беше потпишан нуклеарниот договорот на шесте светски сили со Техеран, со што се исклучува можноста Иран да стане потенцијална нуклеарна закана. Москва притоа ги предупреди земјите во Европа кои ќе се решат да бидат дел од американскиот антиракетен систем ќе бидат легитимни цели кон коишто ќе бидат насочени нејзините балистички стратешки проектили./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.