Европа
Идентификувани 100 жртви на нападот во Париз
Францускиот премиер Мануел Валс, во недела рече дека се идентификувани 103 тела, жртви на терористичките напади во главниот град Париз, а на идентификација на уште триесетина се работи.
„Ќе бидат идентификувани во следните часови. Тоа не се анонимни жртви, туку се животи, млади луѓе, кои беа мета додека поминуваа мирна вечер во кафуле, или на концерт“, вели Валс.
Според последните официјални податоци во нападите загинаа 129 луѓе.
„Нема психолог, ниту волонтер, ни доктор што може да ги утеши нивните семејство“, вели премиерот на Франција.
Порано денеска, беше најден црн автомобил од марката SEAT, која напаѓачите ја употребувале и од која пукале во луѓето во ресторанот за време на нападите во Париз во петокот. Автомобилот е најден во предградието Монтреул, во неделата, а според AFP, во неа имало неколку калашникови.
Полицијата не потврдува дали напаѓачите што го користеле автомобилот се во бегство.
Автомобилот, второт возило што полицијата го поврза со нападите е употребено во напад на кафуле каде се убиени пет гости и во напад на ресторан, каде загинаа 19 луѓе.
Полицијата идентификуваше еден од напаѓачите во концертната сала Батаклан, како 29-годишниот Омар Исмаил Мостефај, каде беа убие 89 луѓе.
Шестмина за кои се смета дека му помагале во извршувањето на нападите се притворени и со нив се обавува информативен разговор. Меѓу нив е и неговиот 34-годишен брат и неговата снаа.
„Ова е луда работа, лудило“, вели неговиот брат за AFP во саботата пред да биде приведен.
Снаата сведочела дека тие се мирно семејство./крај/тл/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.