Европа
Информатички напад предизвика прекин на струјата во Украина, првпат во светот
Информатички напад врз украинската електрична мрежа предизвикал кон крајот на декември голем прекин на електрична енергија во западна Украина, изјавија во вторникот за AFP од компанијата за информатичка безбедност ESET и повеќе локални извори.
Информатички напад врз украинската електрична мрежа предизвикал кон крајот на декември голем прекин на електрична енергија во западна Украина, изјавија во вторникот за AFP од компанијата за информатичка безбедност ESET и повеќе локални извори.
„Ова е прв таков случај во светот“, рекле претставници на француската компанија за информатичка безбедност ESET.
„Вирусот е уфрлен голема кампања ’psihing’ којашто содржи заразен документ во Ексел“, изјавиле од ESET која го открила нападот откако нејзините стручњаци со месеци го следеле вирусот.
На 23-ти декември голем дел од областа Ивано-Франквиск во западна Украина потонал неколку часови во темница, соопшти тогаш тамошната компанија за дистрибуција на електрична енергија „Прикарпатијаобленерго“. Прекинот е предизвикан со „интервенција на неовластени лица (…) во системот за далечинско управување“, па техничарите повторното напојување морале да го воспостават „рачно“, додаде компанијата.
Извесен период подоцна Службата за национална безбедност на Украина (СБУ) соопшти дека открила „штетни програми на мрежите на неколку подрачни електрични компании“.
„Откриен е вирус кој никогаш претходно го немавме сретнато (….). Тој вирус ја предизвикал штетата. Автоматски работата се прекинала, компјутерите се угасиле“, потврдил во вторникот за AFP доброизвестен украински извор кој сакал да остане анонимен.
„Ја продолжуваме истрагата за овој случај. Засега не можеме да кажеме кој тоа го сторил и поради што“, изјавила Марија Римар, портпаролка на одделот на СБУ за областа Ивано-Франквиск.
Експертите на ESET мислат дека напаѓачите ја користеле програмата позната како BlackEnergy за да ја уфрлат штетната програма KillDisk којашто „содржи функции за саботирање на индустриските системи“. „Овој напад само го потврдува она на што предупредуваа стручњаците: компјутерските криминалци се сé помоќни, а компјутерските напади во 2016 година ќе бидат сé побројни“, оценуваат во француската компанија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.