Европа
Интензивно прекршување на примирјето во источна Украина
Двајца украински војници и еден борец на рускојазичните сили како и двајца цивили загинале во одметната источна рускојазична област Донбас во последните 24 часа, објавија двете страни во понеделникот кои продолжуваат со меѓусебните обвинувања за бројни прекршувања на прекинот на огнот договорен во белоруската престолнина Минск, чии гаранти се челниците на Украина, Русија, Франција и Германија.
Двајца украински војници загинале а тројца се ранети кога нивното оклопно возило налетало на мина во Луганскиот региони, објави украинската армија, пренесе агенцијата УНИАН за уште еден сличен инцидент во кој Киев и бунтовничките сили се обвинуваат меѓусебно за поставување на противтенковски мини. Уште двајца украински војници се ранети во селото Широконо, во близина на стратешкото пристаниште Мариупол Градот, на брегот на Азовското Море, каде е доминантно рускојазичното население, но од ланскиот април е под контрола на силите лојални на Киев, е последниот голем град нма украинскиот југоисток под контрола на Киев.
Портпаролот на администрацијата на украинскиот претседател Петро Порошенко, задолжен за воената операција во источните региони, полковникот Александр Матузјаник додал дека во изминатото деноноќие проруските бунтовници во 95 случаи го нарушиле прекинот на огнот и ги гаѓале позициите на украинската армија. Според него, бунтовниците провоцираат на тој начин одговор од украинската армија.
Претходно во понеделникот Донецката новинска агенција (ДАН), цитирајќи еден од челниците на самопрогласената Народна република Донецк, објави дека во артилериски истрели од украинските позиции изминатите 24 часа врз области и станбени населби на градот се убиени еден борец а уште шест се ранети, како и дека загинале двајца и биле ранети уште седум цивили. Командата на силите во Донецк, исто така, објави дека бројот на жртвите се прецизира, бидејќи се регистрирани „повеќе од 70 артилериските гранатирања врз позициите на милициите и населени места“, од кои најмалку 15 биле во областа на Мариупол.
Иако според оцените на двете страни, како и специјалната набљудувачка мисија на Организацијата за безбедност и соработка во Европа (ОБСЕ), главно се почитува, прозападните власти во Киев велат дека „не ја исклучуваат можноста од бунтовничка офанзива околу 9-ти мај, кога се прославува 70-годишнината од победата над нацистичка Германија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Два питбула убија 13-месечно дете, трагедија во Италија
Утрово, во Италија, во провинцијата Салерно, два питбула го нападнале тринаесетмесечното момче Франческо Пио Д’Амара и го убиле. Кучињата го нападнале во дворот на селската куќа. Мајка му и вујко му се обиделе да го спасат, но кучињата ги повредиле и нив. Според првите информации на полицијата, која на местото на несреќата пристигнала со возило на брзата помош, сопствениците на кучињата биле познајници на мајката. Кучињата биле пуштени на слобода во дворот на семејната куќа, а тие го нападнале детето бидејќи го гледале или како играчка или како закана.
Паола, мајката на детето, по несогласувањата со сопругот, се преселила во Камполонго, каде што изнајмила дел од селската куќа во која живеела сама со синот. Питбулите им припаѓале на сопствениците на куќата, кои живееле во друг дел од двокатната зграда, пишува „Салерно кориере“.
Според соседите, кучињата досега не покажале знаци на агресија. Градоначалникот на Еболи, Марио Конте, изјави дека администрацијата ќе ги сноси трошоците за погребот на детето. Во Италија не постои список на потенцијално опасни кучиња. Во 2006 година Министерството за здравство донесе правилник во кој беше вклучен список на раси што се сметаат за опасни, но оваа одредба подоцна беше укината.
Европа
Европа се загрева најбргу: објавен алармантен извештај
Заедничкиот извештај објавен од „Коперник“ (Службата за следење на климатските промени на ЕУ) и Светската метеоролошка организација (СМО) откри загрижувачки нови податоци. Имено, Европејците преку ден страдаат од невидена топлина, а навечер се под стрес поради непријатните горештини.
Европа е континентот што најбргу се загрева, предупредуваат експертите, затоплување со стапка далеку над глобалниот просек.
Стапката на смртност од топлина е зголемена 30 % во последните две децении во Европа. Економските загуби поврзани со временските услови и климата се проценуваат на 13,4 милијарди евра, според извештајот, како што објави „Гардијан“.
Според извештајот, температурите во Европа биле над просекот 11 месеци минатата година вклучувајќи го и најтоплиот септември од почетокот на евиденцијата. Поради жештините и сушата, имаше големи пожари, кои ги опустошија селата и ги задушија жителите на градовите.
Пожарите беа најинтензивни во јужноевропските земји, како Португалија, Шпанија и Италија. Грција беше погодена од најголемиот шумски пожар во ЕУ, изгореа 96.000 хектари шума, се вели во извештајот.
Од друга страна, обилните дождови предизвикаа смртоносни поплави. Во 2023 година Европа беше околу 7 % повлажна од просекот во последните три децении. „Минатата година Европа беше погодена од најголемиот шумски пожар. Во исто време бевме сведоци на една од највлажните години, силни морски топлотни бранови и разорни поплави“, изјави Карло Буонтемпо, директор на „Коперник“.
Континентот ја доживеа најтоплата година досега. Северозападна Европа го доживеа најтоплиот јуни досега, а поголемиот дел од Европа беше погоден од топлотни бранови за време на продолженото лето од јуни до септември.
На врвот на топлотниот бран во јули, 41 отсто од јужна Европа беше погодена од силен до екстремен топлотен стрес, што ги влошува постојните здравствени состојби и може да го зголеми ризикот од болести.
На Пиринејскиот Полуостров и во Источна Европа имаше суша. Бројот на денови со снежни врнежи беше под просекот, се вели во извештајот, а недостигот на зимски снег во комбинација со летните топлотни бранови значеше дека глечерите на Алпите исклучително се топат. Во последните две години алпските глечери изгубија околу 10 % од преостанатиот волумен.
Сè уште не е сосема јасно како глобалното затоплување предизвикува сè повеќе и повеќе обилни врнежи. Потоплиот воздух може да задржи повеќе влага, што овозможува поекстремни бури. Но, од друга страна, поради сложеноста на климатските промени, врнежите не мора секогаш да се случуваат. Постои многу посилна врска помеѓу глобалното затоплување и топлотните бранови.
Извештајот не дава податоци за минатата година за бројот на смртни случаи поврзани со топлина, но се знае дека имало 70.000 дополнителни смртни случаи поврзани со топлина во 2022 година. „Бројот на смртни случаи поврзани со топлина веројатно ќе биде поголем во 2023 година“, рече климатологот Фридерике Ото од Империјал колеџ во Лондон.
Европа
Напад во Русија, двајца полицајци загинаа, еден повреден
Двајца полицајци се убиени, а еден е ранет кога неидентификуван напаѓач нападнал руска полициска единица во градот Карачаивск во Карачаевско-Черкезија, во Северен Кавказ, соопшти регионалниот оддел на Истражниот комитет на Русија.
Како што се наведува, денеска, непознато лице со огнено оружје пукало неколкупати во полициски одред во градот Карачајевск, а потоа напаѓачот ги украл службеното оружје и муницијата на полицијата, пренесува „Интерфакс“.
Потрагата по напаѓачот е во тек.