Европа
Италија и Франција ‘на нож’ поради мигрантите
Италија и Франција во понеделникот почнаа „војна“ со зборови, откако 250 Африканци се најдоа заглавени на заедничката граница кај градот Вентимиља.
Италијанскиот министер за внатрешни работи, Анџелино Алфано, ги опиша сликите на мигранти испоседнати на камењата на жешкото сонце во пограничниот град Вентимиља, како „шлаканица за Европа“.
Неговиот француски колега Бернард Казанев му возврати дека Франција има полно право да ги врати илегалните мигранти или оние кои бараат азил, во Италија.
Вербалниот судир се случува ден пред разговорите меѓу овие двајца министри, но и сите други министри за внатрешни работи од Европската унија, што се одржуваат во втроник во Луксембург, околу кризата со мигрантите.
Околу 250 мигранти, повеќето од земјите од англиски говорни подрачја во Африка, според AFP, кампуваат веќе четири дена во Вентамиља, протестирајќи за нивните права да бидат пуштени во Франција, од каде ќе се упатат кон други земји во Европската унија, на север.
„Ќе останеме овде и утре, и ден потоа и неколку месеци ако треба. Ние бараме само да ни се дозволи да поминеме низ Франција и да стигнеме во дргуи земји“, вели 20-годишниот Брахим од Дарфур, Судан.
Според Алфано, сликата од граница е доказ дека мигрантите немаат желба да останат во Италија. „Тие сакаат да заминат во други делови на Европа, а нашата земја ја сметаат за транзит“.
Според Казанев, тој аргумент е без основа, повикувајќи се на договорот од Даблин, според кој оние кои дошле во Европската унија треба да бидат процесуирани во земјата во која прво стапнале.
„Правилата од Даблин мора да се почитуваат. Кога мигрантите пристигнуваат во Франција тие поминале низ Италија, и таму се регистрирани, а според применливите европски закони, тоа значи дека треба да се вратат во Италија“, рече Казанев за телевизијата BFMTV.
Тој потврди дека француските власти вратиле голем број мигранти, за да се заштитат оние кои не бараат азил, велејќи дека на тој начин се обезбедува легитимен престој.
Но, негираше дека Париз нашол ефективен начин да ја затвори границата.
Според Италија, договорот од Даблин не може да се примени во сегашната ситуација, кога бројот на мигранти енормно е зголемен. Повеќе од 200.000 луѓе дошле на јужните порти на Европа од почетокот на 2014 година, што го зголемува гневот на Рим, од каде сметаат дека нивните ЕУ партнери ги затвораат очите пред растечкиот проблем.
Големиот број вратени мигранти во Италија во последните две седмици го зголеми притисокот врз земјата, а проблемот стана видлив, затоа што дел од мигрантите спијат во железничките станици .
Премиерот на Италија, Матео Ренци, се закани во неделата дека ќе преминат на „планот Б“ за да се справат со кризата со мигрантите, кој би ја `заболел` Европа. Ренци не прецизираше кој е тој план Б, но медиумите претпоставуваат дека Рим може времено да им издаде визи на мигрантите со што би им овозможил да патуваат во Шенген зоната.
Таков потег би бил политичка експлозија која би ги поткопала и Даблинскиот договор и Шенген начелата.
Алфано рече дека во вторник ќе ги замоли еропските колеги да се сложат за пофер распределба на мигрантите низ целата Европска унија, како и да се размисли за изградба на камп за процесуирање во Либија, местото кое е почетна точка на патувањето на мигрантите кон Италија и од таму во Европа.
Неколку змеји се изјаснуја дека се против поделбата на мигрантите меѓу земјите, а отворање пункт во Либија дополнително би го комплицирала проблемот, со вклучување на севено Африканските земји.
Италија, исто така, сака да се постигне договор со африканските земји за репатријација на мигрантите, со платен лет назад во земјите од кои доаѓаат, затоа што дев третини од нив не бараат азил./крај/мф/бб
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Европа
Кремљ за евентуалното блокирање на „Телеграм“: „Сè повеќе станува алатка во рацете на терористите“
Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.
„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.
Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.
Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.
Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.