Европа
Избори во Шпанија, се очекуваат резултати исти како во декември
Шпанците во неделата во девет часот ги отворија избирачките места, вторпат за последните шест месеци, меѓутоа и овие повторени парламентарни избори веројатно ќе ги исфрлат четирите парии од коишто ниедна нема да добие доволно гласови за самостојно да ја составува владата.
Околу 36,5 милиони граѓани со право на глас до 21часот ќе имаат можноста да ја изменат ситуацијата од пред 189 дена, кога последен пат гласа. Четирите водечки парии, пак, не се изјаснија за можните коалиции по неделните избори.
Шпанија, земја со 20 отсто невработени, по Грција најмногу во ЕУ, мораше да организира нови избори откако главните партии не успеаја да постигнат договор и да формираат влада по изборите во декември. Доколку дојде повторно до политичка блокада, Шпанија може да остане без нова влада и до есента.
На изборите пред шест месеци беше нарушен 40 години долгиот двопартизам во текот на кој на власта се менуваа партијата од десниот центар Народна партија (Partido Popular), и партијата од левиот центар Шпанската социјалистичка работничка партија (PSOE). Двете нови партии, Можеме (Podemos) и Граѓани (Ciudadanos), успеаја да ја канализираат огорченоста од традиционалните политички партии, како и незадоволството од високата невработеност и корупциските скандали.
Анкетите пред изборите укажуваат дека парламентот и по овие парламентарни избори ќе биде поделен како и по минатите избори, на четирите споменати големи партии и шест помали. За самостојно формирање на владата, потребни се 176 од вкупно 350 мандати во парламентот, но толку пратеници ниедна партија не може да добие самата, покажуваат испитувањата на јавното мнение.
Народната партија на претходниот и сега привремен премиер Маријано Рахој, која е на власт од 2011 година, може повторно да победи со совиени 120 пратеници, но засега не може да смета на ниедна друга партија за достигнување на потребните 176 гласови во парламентот. Нејзиниот природен сојузни, партијата Граѓани, која се залага за слична економска политика и е против референдумот за независност на покраината Каталонија, добива околу 40 мандати, покажаа последните анкети. Евентуалното коалицирање би дало недоволно 160 пратеници.
Шпанската економија пораснала минатата година за 3,2 отсто, најмногу меѓу големите земји во еврозоната. Стапката на невработеноста паднала во последните три години од 26 на 20 отсто, пораснала личната потрошувачка, и стабилизиран е финансискиот систем. Благото економско закрепнување и туристичката сезона го поткрепуваат 61-годишниот Рахој кој истакнува дека за водење на државата е важно искуството кое го немаат младите лидери на опозициските партии. Рахој дојде на власт во текот на длабоката рецесија, позајми пари за паднатите банки, го намали јавниот дефицит и го либерализираше пазарот на трудот. Сега тврди дека земјата мора да продолжи во насока на закрепнувањето.
Неговите мерки за штедење, меѓутоа, оставија лузни во шпанското општество. Личните примања и натаму се помали отколку во 2008 година кога започна кризата. Оние кои сега ќе најдат работа примаат помали плати, покрај несигурноста, има многу привремени работни места, а според државната статистика 14 отсто од населението нема доволно пари за намирување на основните месечни потреби.
За младите Шпанци подеднакво се виновни и Народната партија и Социјалистите. На изборите во декември беше очигледен генерацискиот јаз, имајќи предвид дека повеќе од половината помлади од 35 години гласаа за Можеме и Граѓаните додека постарите од 54 години ги поддржаа традиционалните партии. Корупциските скандали кај народњаците и социјалистите, исто така, ги нарушија нивните кредибилитети.
Можеме, која доживува подем врз фрустрацијата на младите и која ги нарекува традиционалните партии каста, во неделата може да внесе значителен пресврт на шпанската политичка лева сцена. Имено, социјалистите кои со земјата владееја 21 од последните 34 години може првпат да падне на третото место. Во декември Социјалистите освоија 90 места во парламентот, а Можеме – 69.
Потоа Можеме со малцинската партија Обединета Левица ја основаше коалицијата Обединети можеме, која може да го освои второто место на изборите, покажаа анкетите од минатата седмица. Тоа, по победата на заговорниците за излегување на Велика Британија од Европската унија, би можело да биде вториот удар за традиционалните партии во Европа./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.