Европа
Извори: Брисел и Лондон не можат да ги надминат разликите за реформите на ЕУ
Брисел и Лондон сé уште не можат на остварат напредок во преговорите во врска со реформите на Европската унија во врска со барањата на Велика Британија за нејзиното останување во Унијата, кои се одвиваат во четвртокот на почетокот од дводневниот самит на ЕУ, изјавил европски дипломат.
„Има и лоша и добра вест. Добрата се состои во тоа што сите земји членки изразија желба да се направат обиди да се задржи Велика Британија во составот на Европската унија. А лошата се состои во тоа што сите главни прашања остануваат отворени, и нема напредок“, изјавил неименуван европски дипломатски извор, пренесува руската агенција ТАСС.
Подоцна ноќта кон петокот претседателите на Европскиот совет и на Европската комисија, Доналд Туск и Жан-Клод Јункер, зад затворени врати ќе разговараат со британскиот премиер Дејвид Камерон.
„По работната вечера, на којашто присуствуваат челниците на сите 28 држави од Европската унија, Туск и Јункер ќе имаат одвоена средба со Камерон“, рекол соговорникот. Според него, тоа ќе се случи по полноќ по средноевропско време. „Тие зад затворени врати ќе ги разгледаат прашањата кои сé уште се отворени“, додал.
Британскиот премиер Камерон на почетокот од самитот во Брисел, ги повикал своите колеги од ЕУ да ја искористат можноста и да постигнат договор, кој ќе помогне да се реформира Унијата и ќе гарантира дека Обединетото Кралство ќе остане дел од неа.
„Прашањето за местото на Велика Британија во Европа се дискутираше многу долго, што тоа се ‘усвити’. Дојде времето да го решиме“, рекол британскиот премиер обраќајќи им се на колегите. „Доколку можеме да постигнеме договор кој ќе биде доволно цврст за да ги убеди британските граѓани да го поддржат членството на Велика Британија во ЕУ, ќе добиеме можност да го решиме за ова прашање целосно во иднина…“, додал.
Камерон истовремено повикал да им се даде слобода на оние членки на ЕУ, кои сакаат да имаат повеќе независност. Оваа можност ќе доведе до принципиелно различен пристап на односите со ЕУ, кои некои ги нарекуваат ‘живеј и остави ги другите да живеат’“, додал британскиот премиер. Според него, при таков пристап „оние земји коишто сакаат поголема интеграција, може да ја добијат, а истовремено меѓу нас, кои тоа не го сакаат, можат да добијат гаранции дека нивните интереси ќе бидат правно обврзувачки и за кои не треба одново да се започне борба“./крај/мф/сн
Извор: TAСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.