Европа
Јункер: Бегалската криза ќе трае со години, Западот мора коректно да се однесува со Русија
Бегалската криза во Европа ќе трае со години, оцени во четвртокот претседателот на Европската комисија Жан-Клод Јункер на конференцијата во германски Пасау, порачувајќи дека во врска со тоа не треба да се имаат илузии, како и дека Западот мора коректно да се однесува со Русија и да работи со неа како со рамноправен партнер.
„Оваа бегалска криза ќе трае одреден број години. Нема илузии дека ова низ што сега минуваме брзо ќе биде минато. Мораме да им кажеме на луѓето дека ова не е нешто минливо, привремено, ќе мораме долго да живееме со овој проблем“, изјави рече Јункер истакнувајќи дека само во Африка има 8,5 милиони беглаци кои би можеле да се решат да се упатат кон Европа.
Осврнувајќи се на Унгарија, којашто на своите граници подигна ограда за да ги сопре имигрантите, претседателот на Европската комисија рече дека на Европа не ѝ се потребни ѕидови. „Во Европа не ни се потребни нови ѕидови (…), а сигурно не меѓу државите членки на Европската унија“, порача Јункер.
Тој во Пасау, на германската граница со Австрија, посети прифатилиште за бегалци. Пасау е една од главните точки за влез на бегалците во Германија.
Челникот на Европската комисија се заложи и за подобри и коректни односи со Русија, нарушени на најниското ниво од крајот на Студената војна поради украинската криза.
„Мораме да вложиме напори во развојот на практичните односи со Русија. Тоа не е привлечно, но мора да биде така, вака не можеме да продолжиме“, рече Јункер.
Со Русите треба коректно да се однесува. „Русија сака да биде третирана како рамноправна и тука Русите се во право“. Меѓутоа, во однесувањето на Москва некои работи „не минуваат“. „Начинот на кој постапи во случајот на Крим, во случајот на источна Украина, тоа не може да мине“, рече Јункер.
„Во текот на разговорите со претседателот Владимир Путин дознав дека тон не дозволува фрази, како на пример кога Барак Обама вели дека Русија е регионална сила. Што тоа значи? Не можете да говорите за Русија во таков тон. Мораме, искрено велам, соодветно да се обраќаме кон Русија. Со неа треба да се разговара како со рамноправен партнер“, изјави Јункер, пренесува AFP./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.