Европа
Јункер сака формирање на европска армија
На Европската унија (ЕУ) и е потребна сопствена армија за да се соочи со Русија и останатите закани, како и да го потврди присуството на сојузот низ светот, порачал претседателот на Европската комисија (ЕК), Жан-Клод Јункер во неделата во интервју за германските медиуми.
Според Јункер, НАТО не е доволно поради тоа што не сите членки на северноатланската Алијанса се и дел од ЕУ, а заедничката армија на ЕУ би испратила важни сигнали до остатокот од светот.
„Заедничка армија на ЕУ би му покажала на светот дека никогаш нема да има војна помеѓу земјите на Унијата“, изјавил Јункер за германскиот весник Welt am Sonntag.
„Таква армија би ни помогнала да формираме заедничка надвворешна и безбедносна политика и би дозволиле на Европа да земе преземе одговорност во светот“, додал претседателот на ЕК.
Заедничката армија на ЕУ би можела да служи и како зашттник и би дека доколку била досега формирана, таа би помогнала и при украинската криза.
„Со сопствена армија, Европа би можела кредибилно да реагира кон заканата за мирот во некоја земја членка или пак земја од соседството“, потенцирал Јункер.
„Таквата европска армија не би можело веднаш да се мобилизира. Но заедничката европска армија би испратила јасна порака до Русија дека сме сериозни за заштитата на нашите европски вредности.
ЕУ веќе има борбени групи кои функционираат по принципот на ротацијата и се подготвени да реагираат, но тие никогаш не биле искористени при некоја криза. Лидерите на ЕУ потенцирае дека сакаат да ја зголемат заедничката безбедносна политика преку поголем капацитет за одговорност.
Но Британија, заедно со Франција, двете главни воени сили во сојузот, често предупредуваат во однос на зголемувањето на воената улога на ЕУ, плашејќи се тоа би можело да го намали значењето на НАТО.
Германската министерка за одборана, Урсула вон ден Лејен го прифатила предлогот на Јункер, потенцирајќи дека „заедничката иднина како Европејци во одреден период би требало да вклучува и европска армија“./крај/мф/бс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Украинскиот план е бесмислен, вклучува повлекување на нашата армија од освоените територии
Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на неприфатливи идеи како што е повлекувањето на Москва од териториите што ги окупирала.
Во интервју за московскиот весник „Известија“, Лавров рече дека мировниот самит предложен од Украина нема да успее додека не се променат неговите основни постулати, вклучително и тоа дека на него треба да биде дозволено учество на Русија.
„Во секој случај, ние сме подготвени да разговараме, но не врз основа на „мирната формула“ на Зеленски“, рече Лавров.
Тој, исто така, се прашуваше како некој сериозен политичар во Вашингтон, Брисел, Лондон, Париз или Берлин „може да каже дека нема алтернатива за формулата на Зеленски“.
Лавров ги отфрли како неприфатливи одредбите од украинскиот мировен план, со кои, меѓу другото, се бара Русија да се повлече од териториите што ги окупираше, вклучувајќи го и Крим, анектиран во 2014 година.
Украинскиот претседател Володимир Зеленски отфрла каква било помисла за преговори со Москва на која било основа освен мировен план, забележува Ројтерс.
Лавров рече дека се сретнал со официјални претставници и дипломати од Швајцарија кои го увериле дека мировниот самит, на кој Берн се согласи да биде домаќин, ќе ја вклучи Русија и ќе се одржи под „реални услови“.
„Ние разбираме дека ништо не може да се реши без вас, тоа е неправедно“, ги цитира Лавров зборовите на швајцарските претставници.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.