Европа
Јункер во среда ќе предложи нов план за бегалците
Претседателот на Европската комисија Жан-Клод Јункер ќе предложи подоцна во средата план за бегалската криза кон може да предизвика нови тензии меѓу европските држави, како и меѓу националните челници и извршното тело на Европската унија.
Сепак, се чини дека растечката хуманитарна криза на границите Европската унија ја зголеми политичката волја за постигнување компромис, за разлика од претходниот план предложен од Жан-Клод Јункер кој во мај предизвика жестоки меѓусебни обвинувања.
Јункер во својот прв годишен говор за Состојбата во ЕУ пред Европскиот парламент во Стразбур ќе им предложи на земјите членки задолжителни квоти за прифаќање на 160.000 баратели азил, четири пати повеќе отколку со мајскиот предлог.
Европските функционери велат дека ќе предложат и постојан механизам за распределување на луѓето чиишто пристигнување предизвикаа големи тешкотии во Италија, Грција и Унгарија. Сегашните европски правила за азил наложуваат нивните барање да ги решава првата држава од ЕУ во којашто ќе пристигнат.
Се очекува дека поранешниот премиер на Луксембург ќе говори и за лабавите контроли на надворешните граници на ЕУ и ќе предложи планови за забрзување на процесот на враќањето на мигрантите коишто не ги исполнуваат условите за добивање азил.
Тоа балансирање меѓу хуманитарната помош и одбраната на Европската унија, како и целиот континент, кој е во страв од милионите луѓе кои патат од сиромаштија и војните надвор од границите на Унијата, ја ублажи острата расправа меѓу европските челници кои го отфрлија првичните квоти на Јункер како „диктат“ на Брисел.
Се чини дека Европската комисија овојпат има сеопфатен пристап кој вклучува и подобра контрола на надворешните граници. Источноевропските земји членки на ЕУ, кои не се навикнати на мигранти, особено од муслиманските земји, а и економски се послаби, одбиваа да прифатат поголем број бегалци. Според нив има многу нешта за коишто треба уште да се разговара и многу нешта коишто тие не може да ги прифатат./крај/мф/сн/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.