Европа
Каши подготвени „да умрат како маченици“
Осомничените за убиство на 12 новинари од француската редакција на весникот Шарли Ебдо, браќата Каши, на полицијата и рекле дека се подготвени да умрат како маченици.
Тие се наоѓаат во просториите на една печатница на 35 километри од Париз и се верува дека држат во заложништво најмалку еден вработен во печатницата. Според последните информации, најверојатно заложникот е жена.
Полицијата од утрово преговара со нив со цел мирна завршница на настаните, но браќата се „подготвени да умрат како маченици“, јавуваат француските медиуми.
Репортери од местото на настанот велат дека браќата рекле дека не убиваат жени, иако во редакцијата на Шарли Ебдо една од жртвите беше жена.
Исто така, постои сведоштво дека кога бегалците влегувале во печатницата се ракувале со еден од вработените и му рекле да бега затоа што тие „не убивале цивили“.
Болниците во селото Демартен-ан-Гоел се во состојба на подготвеност, за случај да треба брзо да интервенираат, но според сведоштва на здравствени работници, се уште нема потреба од тоа.
По медиумите се појавија информации за двајца мртви и 20-тина ранети во утринските престрелки додека браќата бегаа од полицијата, но јавниот обвинител на Франција ја демантира оваа вест.
Три училишта во селото се затворени, а учениците се скриени во нив. Тие комуницирале со своите родители за да се осигурат дека се добро и велат дека се многу исплашени.
Браќата Саид и Шериф Каши утрово бегаа пред полицијата со украдено „Пежо 206“, но бегството го завршија во просториите на печатницата, каде зедоа заложник.
Во Демартен-ан-Гоел има 1.500 полицајци, сите приоди кон местото се затворени, а го надлетуваат хеликоптери.
Третиот напаѓач во редакцијата Шарли Ебдо сам се предаде на полицијата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.