Европа
Каталонците се изјаснуваат на пара-референдумот
Избирачките места необврзувачкиот референдум за независноста на шпанската покраина Каталонија беа отворени во неделата наутро, а владата во Мадрид го нарече безначаен и повика на обновување на дијалогот.
Шпанскиот премиер Маријано Рахој порача во саботата во говорот пред членовите на неговата конзервативна Народна партија дека „во понеделник треба да му се вратиме на здравиот разум и да разговараме во рамките на уставот и законите“. Не се очекува властите во Мадрид да интервенираат во симболичното изјаснување за независноста. Формалното но истовремено и необврзувачки референдум за независност на Каталонија требаше да се одржи исто така на 9-ти ноември, меѓутоа неговото одржување го блокираше шпанскиот Висок суд.Каталонските поборници на независноста сепак беа решителни во намерата да го одржат симболичното изјаснување и да соберат доволно гласови за најбогатата шпанска покраина еден ден да ја поведат во независност.На повик на каталонскиот претседател Артур Мас, 5,4 милиони избирачи на оваа североисточна покраина ќе одговараат на две прашања: дали сакат Каталонија да стане држава? Доколку да, дали сакаат да биде независна држава?Уставен суд, кому двапати му се обрати шпанската влада, двапати нареди одложување на референдумот да добие време да се изјасни по предметот. Меѓутоа, официјална Барселона е решителна да го одржи барем симболичното изјаснување, додека за владата во Мадрид таа симболика не е ништо друго, освен параван за референдумот.Артур Мас, кој за претседател на Каталонија беше избран во 2012 година, кога вети дека ќе распише референдум за независност, тврди дека симболичното гласање не е незаконско, дека го организираат волонтери и дека не станува збор за референдум./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.