Европа
Каталонските сепаратисти се заканија дека ќе прогласат еднострана независност
Сепаратистите во Каталонија соопштија дека се подготвени да прогласат еднострана независност во случај официјален Мадрид да се обиде да го блокира процесот на осамостојувањето на оваа шпанска покраина.
Сепаратистите во Каталонија соопштија дека се подготвени да прогласат еднострана независност во случај официјален Мадрид да се обиде да го блокира процесот на осамостојувањето на оваа шпанска покраина.
Сепаратистите се надеваат дека ќе го покренат овој процес доколку регионалните избори во септември бидат неуспешни. Конзервативната влада во Шпанија остро се противи на независноста на богатиот регион Каталонија, која сака да го следи примерот на Шкотска и да се изјасни за својата политичка иднина, пишува AFP.
Алијансата на просепаратистичките партии сака регионалните избори да послужат како де факто референдум, на кој заеднички ќе настапат, заложувајќи се само за едно прашање – а тоа е независноста.
„Доколку во овој процес, државата Шпанија, преку своите политички или правни одлуки, ја блокира автономната влада на Каталонија или каталонскиот парламент, ние ќе одиме понатаму со декларацијата за независност“, рекол Раул Ромева, поранешен пратеник и клучна личност на коалицијата, која ги обединува партијата на десниот центар CDC и левичарската ERC.
„Ние ставаме се на ова, нема враќање назад“, рекол Ромева на претставувањето на листата на кандидати насловена „Заедно за Да“, во Историскиот музеј на Каталонија. Нивната цел е преговарачкиот процес да биде завршен во рок од 18 месеци и воспоставување на институции како што се даночна управа итн. Процесот исто така би отворил пат за одржување на обврзувачки референдум за независноста на Каталонија во 2016-та година.
Шпанскиот министер за правосудство, Рафаел Катала изјавил за шпанскиот дневник ABC дека не може да исклучи суспензија на регионална автономија доколку процесот на осамостојување започне, додавајќи дека во Уставот на Шпанија постои таква одредба.
„Нема да има независнот на Каталонија“, рекол пак во четвртокот шпанскиот премиер Маријано Рахој.
Горди на својот каталонски јазик, култура и економска моќ, односно фактот што економијата на Каталонија сочинува скоро една петтина од шпанската економија, 7,5 милиони Каталонци веќе со години бараат поголем степен на автономија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.