Европа
Конзервативците победија во Мадрид, левицата во Барселона
Владејачката во Шпанија Народна партија (PP) на премиерот Маријано Рахој победи на локалните избори во неделата во главниот град Мадрид, но би можела да ја загуби контролата над Градскиот совет првпат по 1991 година, додека во Каталонија движењето за независност претрпе удар откако победи левата коалиција.
Генерална оцена на аналитичарите е дека овие избори во суштина го поткопаа двопартискиот систем кој постои во Шпанија последните 35 години. Кампањата беше жестока и ја покажа големата важност на овие избори пред парламентарните избори коишто ќе се одржат кон крајот на годината. Според резултатите од пребројани 97 отсто од избирачкиот материјал, Народната партија освоила 21 место во Градскиот совет на Мадрид кој има 57 мандати, додека на второ место е коалицијата Ahora Madrid (Мадрид сега) со 20 мандати, Социјалистичката партија освои 9 места, а партијата од десниот центар Ciudadanos (Граѓани) освои 7 советници. Меѓутоа, доколку Ahora Madrid успее да договори формирање коалиција со социјалистите, Народната партија ќе го загуби градоначалничкото место во престолнината.
Во заедницата на општини на Мадрид, пак, според прелиминарните резултати, Народната партија освоила 47 мандати, Социјалистичката партија – 38, левичарската коалиција Podemos (Можеме) – 28, а Ciudadanos – 16 места.
Во Барселона левичарската коалиција Barcelona en Comu, предводена од активистката Ада Колау, со поддршката на Podemos, кој се застапува за правата на граѓаните кои ги губат домовите поради неможноста да ги исплатат хипотеките, освои 11 мандати во покраинското собрани и е победник. Партијата Конвергенција и унија на Каталонија (CiU), на каталонскиот премиер Артуро Мас освои 10 мандати. За Barcelona en Comu гласале 170.000, а за CiU – 150.000 гласачи. Третото место го зазема Ciudadanos со 5 мандати, додела во првите четири партии е и партијата Леви републиканци на Каталонија (ERC) со 4 места.
Во неделата во Шпанија се одржаа локалните и регионални избори на кои гласаа околу 35 милиони избирачи за 13 покраини и 8.122 градоначалници. Се гласаше во поглемиот дел од автономните региони, како Астурија, Кантабрија, Навара, Кастилја и Леон, Ла Риоха, заедницата на општини во Валенсија, заедницата на Мадрид, Кастилја-Ла Манча, Мурсија, Канарските Острови, Балеарските Острови, Арагон и Екстремадура, и и две автономни градови – Сеута и Мелила./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.