Европа
Корбин автоматски станува кандидат за лидер на британските лабуристи
Челникот на опозициските британски лабуристи Џереми Корбин автоматски е кандидат за претседател на партијата на скорешните избори, пресуди извршниот одбор на лабуристите (NEC), што се толкува како негова важна победа над незадоволниците во Лабуристичката партија кои сакаат да го сменат поради лошата кампања за останување на Велика Британија во Европската унија.
Челникот Џереми Корбин одби да поднесе оставка по референдумската одлука Велика Британија да ја напушти Европската унија, и покрај бројните оставки на членовите на неговиот тим и изгласувањето недоверба меѓу големото мнозинство на лабуристичките пратеници кои се залагаа за останување на Обединетото Кралство во ЕУ.
Анџела Игл, којашто кандидатурата официјално ја објави во понеделникот, изјави дека Корбин ја загубил довербата на пратениците од неговата партија и оти не комуницирал на вистински начин со избирачите.
Корбин во неделата изјави дека очекува оти тој автоматски ќе биде кандидат за челник на партијата, без потреба да го номинираат пратениците.
Одлуката на NEC донесена доцна ноќта кон средата сеа ги зголемува шансите на Корбин да им се спротистави на „заговорниците“ кој сакаат да го сменат. Тоа конкретно значи дека Корбин не треба да собира поддршка од 20 отсто лабуристи од Вестминстер и Европскиот парламент за да може да се кандидира, што ќе му беше многу тешко, бидејќи ја загуби поддршката во партијата.
„NEC се согласи дека сегашниот лидер Џереми Кобин може автоматски да се натпреварува и за тоа не му е потребна номинација од пратениците лабуристи во британскиот парламент (PLP) и пратениците во Европскиот парламент (EPLP). Сите други кандидати мора да соберат 20 отсто од PLP и EPLP“, се наведува во одлуката./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.