Европа
Крим во темнина поради прекинување на испораките на струја од Украина
Црноморскиот полуостров Крим во неделата во поголемиот дел остана во темница, поради целосното прекинување на електрична енергија од Украина и по предизвикување експлозија на високинапонските линии, што ги принуди властите да прогласат вонредна состојба.
Крим е камен на сопнување меѓу Киев и Москва, откако беше соборен украинскиот претседател Виктор Јанукович а во март 2014 година црноморскиот полуостров, на кој е доминантно руското и рускојазичното население изгласа преку референдум враќање на автономијата укината од украинските власти во 1990-те и присоединување кон Руската Федерација. Западот ова го смета за нелегално руско анектирање на украинска територија, а исто така ја обвинува Русија за нејзината наводна улога во конфликтот во рускојазичниот исток на Украина.Од 11 часот утрото во недела повеќе до 1,64 милиони жители на Крим се без електрична енергија, соопшти руското министерство за енергија и најави воведување вонредна состојба на полуостровот. За повеќе од 85 медицинску установи на Крим обезбедени се 190 дизел генератори кои осигуруваат овие установи непречено да функционираат. Доводот на електрична енергија од Украина е прекина ноќта меѓу саботата и неделата околу половина час по полноќ по локално време, наведе локалното министерство за итни ситуации во соопштението, непрецизирајќи ги причините за целосното прекинување.Премиерот на Крин, Сергеј Аксјонов, изјави оти се сомнева дека Украина го предизвикала овој проблем. Украина потврди дека на високонапонските линии се случила експлозија, дека не знае кој е одговорен за нив и дека поради тоа е отворена истрага, соопшти портпаролката на украинското министерство за внатрешни работи Наталија Стативко.Украинската државна компанија за дистрибуција на електрична енергија „Укренерго“ објави на својата интернет страница фотографија од еден урнат столб и еден оштетен во северниот дел од Крин, и прецизираше дека изгледа дека се уништени со артилериски оган или со експлозивни направи. Во петокот утрото уништени се два електрични столба, изјави заменикот директор на компанијата Јуриј Касич, и прецизираше дека се најдени остатоци од гранати.Снабдувањето со електрична енергија на Крим целосно зависи од четирите украински високонапонски линии. Сите четири се во прекин. Касич изјави делка се обиделе да го отстранат дефектот, како и дека техничките мерки неопходни за поправката се многу опасни.Крим во снабдувањето со вода и особено електрична енергија зависи од Украина. Киев и претходно во повеќе наврати го прекинуваше доводот на електрична енергија за полуостровот за да изврши притисок врз тамошните руски власти и врз Москва./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.