Европа
Курц: Европа треба да се откаже од планот за распределба на бегалците
Австрискиот министер за надворешни работи Себастијан Курц, изјави во неделата дека Европската унија би требало да се откаже од својот „нереален“ план за распределба на бегалците по државите членки, во денот кога соседната Унгарија го одржуваше референдумот за отфрлање на овој план.
Во разговорот за германскиот весник Welt am Sonntag шефот на австриската дипломатија Себастијан Курц тврди дека Европската унија треба да се откаже од инсистирањето на својот, како што оценува, проблематичен систем на квоти, односно планот за распределба на 160.000 мигранти и бегалци во земјите членки, од кои досега е преселен само мал дел.
„Таа цел е тотално нереална“, смета Курц, предупредувајќи дека несогласувањето на државите за тој предлог би можело да претставува закана за „кохезијата на целата Европска унија“.
Уште еден проблем е тоа што „големиот рој бегалци одбиваат да заминат во некои европски земји“, истакнува австрискиот министер за надворешни работи.
Коментарот на Курц најверојатно ќе биде примен добро во Унгарија каде премиерот Виктор Орбан водеше кампања против системот за задолжителни квоти за земјите членки на ЕУ. Се очекува дека конечните резултати од унгарскиот референдум ќе покажат дека тамошните избирачи мнозински гласале против европскиот план.
Курц во разговорот е воздржан во критиките за ставот на унгарската влада, кој е во дијаметрално спротивен од политиката на отворени граници за барателите на азил на германската канцеларка Ангела Меркел.
„Станува опасно кога некои земји членки на Европската унија настојуваат да го создадат впечатокот дека се поетични од другите држави“, предупредува шефот на дипломатијата на Австрија.
По минатогодишниот прилив во кој Австрија прими 90.000 баратели на азил, што изнесува 1 отсто од нејзиното население, владата најави дека оваа година ќе прифати само 37.500 барања за азил. До август бројот на барањата достигнал 26.400 барање.
Австрија подигна ограда долга четири километри кај граничниот премин кон Словенија, кога имигрантите пристигнуваа по тој пат и објави дека, доколку е потребно, е подигне ограда на граничниот премин Бренер кон Италија./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.